បរទេស៖ នាថ្ងៃអង្គារទី០១ ខែកក្កដា ឆ្នាំ២០២០ រដ្ឋាភិបាលថៃ បានប្រកាសសម្រេចយកថ្ងៃទី២៧ ខែកក្កដា ឆ្នាំ២០២០ ជាថ្ងៃឈប់សម្រាកសម្រាប់បុណ្យចូលឆ្នាំថ្មីជាផ្លូវការ។ នេះបើយោងតាមការចុះផ្សាយរបស់សារព័ត៌មាន Khaosodenglish ។
អ្នកនាំពាក្យរដ្ឋាភិបាលលោកស្រី Narumon Pinyosinwat បាននិយាយថា ការសម្រេចចិត្តនេះត្រូវបានធ្វើឡើងដោយគណៈរដ្ឋមន្រ្តី ដោយពិធីបុណ្យនេះត្រូវបានប្រារព្ធធ្វើឡើងជារៀងរាល់ឆ្នាំ និងត្រូវបានគេទទួលស្គាល់ថាជាថ្ងៃឈប់សម្រាកសាធារណៈចាប់ពីថ្ងៃទី១៣-១៥ ខែមេសា ដែលត្រូវបានពន្យារពេលក្នុងឆ្នាំនេះ ដោយសារតែមានការគំរាមកំហែងពីសំណាក់វីរុសកូវីដ-១៩។
ថ្វីត្បិតតែមានការអនុញ្ញាតឲ្យមានថ្ងៃឈប់សម្រាកសម្រាប់សង្ក្រានឆ្នាំថ្មីក៏ដោយ ប៉ុន្តែការលេងទឹក និងពិធីដទៃទៀតដែលទាក់ទង នឹងសង្ក្រានឆ្នាំថ្មីនេះទំនងជា នឹងត្រូវបានហាមឃាត់ពេញមួយខែកក្កដា ក្រោមក្រឹត្យបន្ទាន់គ្រាអាសន្ន ដែលត្រូវបានបន្តជាលើកទីបីនៅថ្ងៃនេះ ៕
