រឿងបញ្ហាធុំក្លិនមាត់ ជារឿងមួយដែលបានជួបប្រទះជាប្រចាំ ក្នុងជីវភាពរស់នៅប្រចាំថ្ងៃ ហើយត្រូវបានចាត់ទុកមានសារៈសំខាន់ ក្នុងការប្រាស្រ័យទាក់ទង និងជាគុណតម្លៃ នៃភាពស្អាតរបស់មនុស្ស នេះបើយោងតាមទន្តបណ្ឌិតឯកទេស នៃមន្ទីរពេទ្យកាល់ម៉ែត ។
ខាងក្រោមនេះ ជាវិធីសាស្ត្រ ១០ចំណុច ដើម្បីគ្រប់គ្រងក្លិនមាត់ រួមមាន ៖
ក) ព្យាបាលមូលហេតុពិតប្រាកដ (ការធ្វើរោគវិនិច្ឆ័យពីទន្តបណ្ឌិត)
ខ) ជៀសវាងម្ហូបចំណី ដែលមានក្លិនខ្លាំងដូចជា ខ្ទឹមស ខ្ទឹមបារាំង ជាដើម
គ) ជៀសវាងទម្លាប់ការជក់បារី និងការផឹកស្រា
ឃ) ញ៉ាំអាហារឲ្យទៀងពេល
ង) ដុសសម្អាតធ្មេញក្រោយបរិភោគរួច
ច) ធ្វើការថែទាំនូវសុខភាពមាត់ធ្មេញឲ្យបានល្អជាប្រចាំ
ឆ) ដុសសម្អាតធ្មេញ និងអណ្ដាត មុនពេលចូលគេង
ជ) រក្សាសំណើមក្នុងមាត់ ញ៉ាំទឹកឱ្យបានគ្រប់គ្រាន់
ឈ) ប្រសិនបើមានធ្មេញដោះដាក់ សូមដោះចេញនៅពេលយប់ និងត្រាំក្នុងទឹកខ្ពុលមាត់ Chlorhexidine
ញ) ណាត់ជួបទន្តបណ្ឌិត ២ដងក្នុង១ឆ្នាំ ដើម្បីពិនិត្យ និងសម្អាតធ្មេញលោកអ្នក ៕