ភ្នំពេញ៖ បន្ទាប់ពីលេចមុខម្ចាស់គណនីហ្វេសប៊ុកឈ្មោះ Aok Bony ដែលអះអាងថាជាឪពុកតារាចម្រៀងស្រីអ្នកនាង ឱក សុគន្ធកញ្ញា ព្រមទាំងបានបង្ហោះសារថា តារាចម្រៀងស្រីរូបនេះមិនទទួលស្គាល់ខ្លួនថាជាឪពុករួចមក មានអ្នកគាំទ្រជាច្រើនបានស្រឡាំងកាំងដោយក្ដីងឿងឆ្ងល់ ព្រមទាំងចង់ដឹងច្បាស់ថា តើរឿងនេះជាការពិតឬអត់ ខណៈដែលអ្នកនាង ឱក សុគន្ធកញ្ញា ផ្ទាល់ពុំមានប្រតិកម្មអ្វីឡើយ ។
ងាកមកចាប់អារម្មណ៍វីដេអូឃ្លីបមួយដែលជាវីដេអូចាស់ បានបង្ហាញពីសកម្មភាពរបស់អ្នកនាង ឱក សុគន្ធកញ្ញា និយាយរៀបរាប់ទាំងទឹកភ្នែកអំពីរឿងរាវជីវិតដ៏ជូចត់របស់នាង ក្នុងនោះនាងបានបង្ហើបថា នាងបែកបាក់គ្រួសារតាំងពីតូចមកម្ល៉េះ ។
សូមបញ្ជាក់ថា រហូតមកទល់ពេលនេះ នៅមិនទាន់មានការបកស្រាយអ្វីចេញពីមាត់តារាចម្រៀងស្រីជួរមុខក្នុងផលិតកម្មហង្សមាសរូបនេះនៅឡើយ ទាក់ទងនឹងករណីដែលថា នាងមិនទទួលស្គាល់ឪពុកបង្កើត ហើយតាមរយៈវីដេអូឃ្លីបមួយនេះ ក៏អាចឲ្យទស្សនិកជនដឹងពីអារម្មណ៍របស់នាងខ្លះៗផងដែរ ៕