បរទេស៖ ប្រតិបត្តិករនៃការកំសាន្តពេលយប់បានស្វាគមន៍ការសន្យារបស់គណៈកម្មាធិការថា នឹងអនុញ្ញាតឲ្យហាងស្រា បារ ក្លឹប ខារ៉ាអូខេ និងកន្លែងកម្សាន្តផ្សេងទៀត ដែលវានឹងបើកដំណើរការឡើងវិញនៅដំណាក់កាលទី៥ នៃការបន្ធូរបន្ថយការរឹតបន្តឹងកូវីដ-១៩ ដែលត្រូវបានគេរំពឹងទុកនៅក្នុងខែកក្កដានេះ។ នេះបើយោងតាមការចុះផ្សាយរបស់សារព័ត៌មាន BangkokPost ។
ការសន្យានេះត្រូវបានធ្វើឡើងក្នុងកិច្ចពិភាក្សាកាលពីម្សិលមិញរវាងលោកឧត្តមសេនីយ៍Natthaphol Nakpanich មេបញ្ជាការរងកងទ័ព និងជាអនុប្រធានគណៈកម្មាធិការប្រតិបត្តិករកន្លែងកម្សាន្ដរាត្រី។ ប៉ុន្តែទោះជាយ៉ាងណាវានៅតែត្រូវការការយល់ព្រមពីការប្រជុំពេញលេញនៃកិច្ចប្រជុំមជ្ឈមណ្ឌលប្រឆាំងកូវីដ-១៩ (CCSA) ដើម្បីអនុញ្ញាតឲ្យកន្លែងកម្សាន្ដរាត្រីនោះត្រូវបើកដំណើរការឡើងវិញ។
ក្នុងការពិចារណាអនុញ្ញាតនេះត្រូវបានធ្វើឡើងក្រោយពី តន្ត្រីករ និងអ្នកសំដែង បុគ្គលិកផ្សេងៗ បានអំពាវនាវអំពាវនាវដល់រដ្ឋាភិបាលឱ្យអនុញ្ញាតឱ្យពួកគេវិលត្រឡប់ទៅធ្វើការវិញព្រោះការបិទទ្វារយូរបានធ្វើឱ្យពួកគេស្ថិតក្នុងស្ថានភាពខ្វះខាតផ្នែកហិរញ្ញវត្ថុ។
ឧត្តមសេនីយ៍ Natthaphol Nakpanich បាននិយាយថា គាត់នឹងណែនាំនៅក្នុងកិច្ចប្រជុំនៅថ្ងៃសុក្រនេះថា ពួកគេនឹងត្រូវបានអនុញ្ញាតឱ្យចូលធ្វើការវិញ ប៉ុន្តែលោកបានបានសង្កត់ធ្ងន់លើភាពចាំបាច់នៃវិធានការត្រឹមត្រូវដើម្បីការពារកុំអោយវីរុសកូវីដ-១៩ ស្ទុះងើបឡើងវិញ។
លោក Sanga Ruangwattanakul ប្រធានសមាគមអាជីវកម្ម Khao San និងជានាយកប្រតិបត្តិក្រុមហ៊ុន Buddy Group បានមានប្រសាសន៍ថា អ្នកចូលរួមទាំងអស់នៅក្នុងកិច្ចប្រជុំកាលពីម្សិលមិញពេញចិត្ត នឹងលទ្ធផលហើយរំពឹងថា នឹងចូលធ្វើការវិញនៅថ្ងៃទី១ ខែកក្កដានេះ ៕
