រាជធានីភ្នំពេញ ៖ ក្រោយពីមានរឿងមិនចេះចប់មិនចេះហើយរវាងលោក អ៉ឹម ជីវ៉ា និងអ្នកលេងបណ្តាញសង្គម Tik Tok ឈ្មោះ សុខា សុខា តាំងពីដើមរហូតមកធ្វើឲ្យកក្រើកពេញបណ្តាញសង្គមរហូតដល់ថ្នាក់ធ្វើឲ្យលោក អ៉ឹម ជីវ៉ា ទម្លាយវីដេអូចរឹតពិតរបស់ សុខា ដែលបង្ហាញពីភាពក្រអឺតក្រទមធ្វើឲ្យអ្នកលេងបណ្តាញសង្គមមួយចំនួនហាក់មិនពេញចិត្តជាខ្លាំង ។ ជាក់ស្តែងនៅថ្ងៃទី១៩ ខែមិថុនា ឆ្នាំ២០២០ នេះលោក អ៊ឹម ជីវ៉ា ក៏បានទម្លាយមូលហេតុពិតនៅពីក្រោយការមិនតបតជាមួយ សុខា ដែលកន្លងមកបានឡាយវីដេអូនិយាយពីរូបលោកឲ្យមហាជនបានដឹង ។
តាមប្រភពហ្វេសប៊ុកផ្លូវការរបស់លោក អ៉ឹម ជីវ៉ា បានបង្ហោះមុននេះថា ៖«ដោយមានការសំណូមពរពីបងប្អូនថា ហេតុអីបង ជីវ៉ា មិនធ្វើការឡាយតបទៅសុខាវិញចឹង? ឬបង ជីវ៉ា ឯងសម្តែង? ប្អូនៗខ្លះមិនទាន់បានជួបតារា TikTok ល្បីផង ម្នាក់ៗគាត់នាំគ្នារអ៊ូគ្រប់គ្នាទៅហើយ មានដូចជា ប្អូន ស្រួយ , ប្អូន love riya, ប្អូនតានៅបារាំង ។ល។ ចុះទម្រាំបានរស់នៅរួមការងារជាមួយគ្នារយៈពេល រាប់ខែដូចពួកខ្ញុំទៀតនិងទៅជាយ៉ាងណា ???» ។
លោកបានបន្តថា ៖«ពេលសុខាជេខ្ញុំហេតុអីខ្ញុំមិនឡាយជេវិញ ?? ព្រោះដោយសារតែខ្ញុំដឹងចរិកសុខាច្បាស់ណាស់ថាសុខាចង់បានអីនិងសុខាខ្លាចអី.. ព្រោះតែចរិកនិងហើយដែលធ្វើអោយខ្ញុំនិងក្រុមការងារដើចេញពីសុខា តែបងសូមអោយប្អូនៗដែលមានមុខមាត់កិត្តិយសដូចជា ប្អូន ស្រួយ , ប្អូន love Riya , និងប្អូន តានៅបារាំង ។ល។ សូមកុំប្តឹងអី បើប្តឹងក៏មិនដឹងបានអីមកវិញទេ វីវរ នាំអោយវ៉ល់ពេញគុកទៀត ! បើខឹងខ្លាំងហៅទៅព្រមានធ្វើកិច្ចសន្យាទៅបានហើយ តែបើនៅតែដដែលទៀត ចាត់ការតាមផ្លូវច្បាប់ទៅ ! ចៀសវៀង កុំអោយគាត់ឡាយដោះខោអាវ ឡាយ ជេម៉ែឪគេពេញ Facebook មើលទៅគឺជាទង្វើអសិលធម៌ក្នុងសង្គមណាស់» ។
លោកបានបន្ថែមទៀតថា ៖«មកដល់ម៉ោងនេះខ្ញុំនៅតែទទួលស្គាល់កំហុសខ្ញុំថា ខ្ញុំអ្នកខុសដែលកន្លងមកហៅ សុខា មកភ្នំពេញ ដើម្បីកែប្រែជីវិតថ្មី អោយក្លាយជាមនុស្សល្អក្នុងសង្គម តែការកែប្រែរបស់ខ្ញុំគឺមិនអាចកែសុខាទៅមុខបានមែន ហើយក៏គ្មានពាក់ព័ន្ធគ្នាអីទៀតដែរ តែបើបងប្អូនណា ចង់យកសុខាទៅកែបន្តរសូមអញ្ជើញយកទៅកែទៅ ហើយខ្ញុំក៏ចូលរួមអបអរសាទរដែរ ហើយខ្ញុំក៏ចាំមើលអ្នកគ្រូម្នាក់ដែលអ៊ួតខ្លួនថានិងកែសុខាអោយបាន ដោយប្រើសំដីវ៉ៃប្រហារមកលើខ្ញុំនិងបងប្អូនមួយចំនួនទៀត តែឥឡូវគាត់កែបាន 5% ហើយ លឺអ្នកគ្រូវែនតា និងនិយាយហើយចង់សើច បើអ្នកគ្រូកែសុខាបាន ! ខ្ញុំជូនអ្នកគ្រូ 1000$ ! លុយនេះទុកសំរាប់ជូនអ្នកគ្រូទៅបើកថ្នាំនៅមន្ទីពេទ្យរុស្ស៊ីផ្នែកជំងឺផ្លូវចិត្ត ! ចង់ប្រាប់អ្នកគ្រូថា អ្នកគ្រូកុំភ្លេចហៅសុខាអោយនៅផ្ទះជាមួយដូចខ្ញុំផង បើចឹងជួយសុខា កុំយកសុខាទៅដើម្បីតែជួយឡាយលក់ខោអាវណា ព្រោះអ្នកគ្រូចាស់ហើយ កុំអំនួតដូចសុខាពេក ធ្វើបានចាំនិយាយ បើមិនទាន់ស្គាល់ចរិកសុខាពិតកុំអាលអ៊ួតប្រយ័ត្នក្អួតឈាមដូច អ៉ឹម ជីវ៉ា ។ ខ្ញុំចាំមើលតែអ្នកគ្រូទេ អ្នកគ្រូអើយ » ៕