រាជធានីភ្នំពេញ ៖ កម្ពុជាតវ៉ាទៅវៀតណាម ឲ្យរុះរើតង់ទាំង៣១កន្លែង ឲ្យបានឆាប់ ចេញពីតំបន់មិនទាន់ឯកភាពគ្នា ក្នុងភូមិសាស្ត្រខេត្តកណ្តាល ប្រទេសកម្ពុជា ជាប់ខេត្តអានយ៉ាង ប្រទេសវៀតណាម ដើម្បីបន្តរក្សាភាពដើមមិនកែប្រែនៅតំបន់នោះ រហូតដល់គណៈកម្មាធិការព្រំដែននៃប្រទេសទាំងពីរដោះស្រាយកំណត់ខ្សែបន្ទាត់ព្រំដែនជាស្ថាពរ ។
ក្រសួងការប្រទេសបានបញ្ជាក់ថា ការកោះអញ្ជើញអគ្គរដ្ឋទូតវៀតណាមមកជួបនេះ បានធ្វើឡើងដោយលោកស្រី អ៊ាត សោភា រដ្ឋលេខាធិការក្រសួងការបរទេស និងសហប្រតិបត្តិការអន្តរជាតិ ដោយកម្ពុជាបានស្នើឲ្យភាគីវៀតណាម រុះរើតង់ចេញទាំងអស់ឲ្យបានឆាប់ ។
សូមជម្រាបថា ក្រោមការរឹតបន្តឹងការឆ្លងដែន ដើម្បីទប់ស្កាត់ការរីករាលដាលជំងឺកូវីដ១៩ ភាគីវៀតណាម បានចូលមកបោះតង់យោធាចំនួន ៣១កន្លែង នៅតំបន់ស ព្រំដែនស្រុកលើកដែក និងស្រុកកោះធំ ខេត្តកណ្ដាល ។
នៅល្ងាចថ្ងៃទី២ ខែមិថុនា ឆ្នាំ២០២០នេះ ក្រសួងការបរទេស និងកិច្ចសហប្រតិបត្តិការអន្តរជាតិកម្ពុជា បានចេញសេចក្តីប្រកាស មានដូចខាងក្រោមនេះ ៖