ភ្នំពេញ៖ នាព្រឹកថ្ងៃទី ២៨ ខែឧសភា ឆ្នាំ២០២០នេះ អភិបាលខេត្តកណ្ដាល លោក គង់ សោភណ្ឌ បានថ្លែងនៅក្នុងសន្និសីទសារព័ត៌មានស្តីពីសមិទ្ធផលរបស់ខេត្តកណ្ដាល ថា ប្រាក់ចំណូលប្រជាពលរដ្ឋនៅខេត្តកណ្ដាល ម្នាក់បានកើនឡើងដល់ ១៨៦០ដុល្លារ ក្នុងមួយឆ្នាំ។ ចំនួននេះបើធៀបទៅនឹងឆ្នាំ២០១៧ កើនឡើងដល់ ៧.៧% ។
មិនត្រឹមតែប៉ុណ្ណោះលោកបានបន្ថែមថា ប្រភពចំណូលរបស់ប្រជាពលរដ្ឋបានមកពីផ្នែកកសិកម្ម ឧស្សាហ៍កម្ម និងសេវាកម្ម ហើយបានកាត់បន្ថយភាពក្រីក្ររបស់ប្រជាពលរដ្ឋជាបន្តបន្ទាប់។
គួរជម្រាបថា ខេត្តកណ្តាលកំពុងមានសក្ដានុពលផ្នែកសេដ្ឋកិច្ចយ៉ាងខ្លាំង ទាំងកសិកម្ម ឧស្សាហ៍កម្ម និងអចលនៈទ្រព្យ ដោយសារមានភូមិសាស្ត្រនៅជុំវិញរាជធានីភ្នំពេញ ខណៈខេត្តនេះមានប្រជាពលរដ្ឋជាង១លាន៣សែននាក់៕