យុវជនកំពុងឡើងជើងខ្លាំង Erling Haaland ដែលកំពុងលេងឱ្យក្លឹប Borussia Dortmund បានបង្ហាញទម្រង់លេងយ៉ាងល្អទាំងពេលលេងឱ្យក្លឹបចាស់ Salzburg ហើយក៏ជារ៉ាដារបស់ក្លឹបធំៗជាច្រើនតាមប្រមាញ់ចង់បាន ។
ក្លឹបយក្សអេស្ប៉ាញអធិរាជស Real Madrid ចាប់ចិត្តចង់បានកីឡាករវ័យក្មេងរូបនេះជាខ្លាំងដោយបានដាក់សំណើរទៅកាន់ក្លឹបអាល្លឺម៉ង់ Borussia Dortmund ដោយឲ្យជ្រើសរើស១រូបក្នុងចំណោមកីឡាករ៧រូបដែលមានដូចជា Oscar Rodriguez, Dani Ceballos, Alvaro Odriozola, Brahim Diaz, Lucas Vazquez, Mariano Diaz និង Takefusa Kubo តែមិនបានបញ្ជាក់ពីទំហំទឹកប្រាក់នោះទេ ។ នេះបើតាមប្រភពពី Diario Madridista ។
សូមបញ្ជាក់ផងដែរថា កីឡាករដូចបានបញ្ជាក់ឈ្មោះខាងលើ សុទ្ធសឹងលែងសំខាន់សម្រាប់ Real តទៅទៀតហើយ ខណៈមួយផ្នែកខ្លះក៏កំពុងខ្ចីជើងឲ្យក្លឹបដទៃ។ ចំពោះតម្លៃរបស់ Haaland ល្ហៀងៗថាអាចនឹងប្រហែល ៧៥ លានអឺរ៉ូ បែបនេះប្រសិនឲ្យកីឡាករ ១ រូបក្នុងចំណោមខាងលើ ក៏ត្រូវថែមយ៉ាងហោច ២០-៣០ លានអឺរ៉ូទៀតដែរ ៕