ខេត្តកំពង់ធំ ៖ គ្រឿងក្នុងជ្រូក ដែលឈ្មួញដឹកជញ្ជូននាំចូលដោយខុសច្បាប់ពីប្រទេសថៃ ត្រូវបានកម្លាំងការិយាល័យផលិតកម្មបសុព្យាបាលសត្វខេត្តកំពង់ធំ រួមសហការជាមួយ និងស្នងការដ្ឋាននគរបាលខេត្តកំពង់ធំ បង្ក្រាបបានជិតមួយតោន យកទៅដុតកម្ទេចចោល ។
ការដុតកម្ទេចគ្រឿងក្នុងជ្រូក ជាង៩០០គីឡូក្រាម ធ្វើឡើងនៅរសៀលថ្ងៃទី២២ ខែឧសភា ឆ្នាំ២០២០ ស្ថិតនៅខាងក្រោយ ការិយាល័យពេទ្យសត្វ ក្នុងភូមិបាល័ង្គ ក្រុងស្ទឹងសែន ខេត្តកំពង់ធំ ។
ទំនិញដែល ត្រូវបានដុតកម្ទេច រួមមាន ៖ ពោះជ្រូក ថ្លើមជ្រូក ស្លឹកត្រចៀកជ្រូក ឆ្អឹងជំនីជ្រូក និងគ្រឿងក្នុងជ្រូកមួយចំនួនទៀត ។
សូមបញ្ជាក់ថា លទ្ធផលទាំងនេះ គឺជាព្រឹត្តិការណ៍ផលដែលខូចគុណភាព ត្រូវបាននាំចូលពី ប្រទេសថៃ នាំយកមកចែកចាយនៅក្នុងប្រទេសកម្ពុជា ត្រូវបានសមត្ថកិច្ច នៃខេត្តកំពង់ធំបង្ក្រាបបាន កាលពីថ្ងៃពុធ ទី២០ ខែឧសភា ឆ្នាំ ២០២០ កន្លងមកនេះ ៕
