យោងតាមប្រភពពីទីភ្នាក់ងារសារព័ត៌មាន Asia Times បានចេញផ្សាយកាលពីពេលថ្មីៗនេះថា កងទ័ពចិនកំពុងមមាញឹកក្នុងការកសាងបណ្តាមូលដ្ឋាននៅឯបរទេសដែលមានមូលដ្ឋាននៅជីប៊ូទី នៅលើហ៊ន នៃទ្វីបអាហ្វ្រិក ដោយមានរូបរាងដូចទៅនឹង «មហាកំផែងចិន» ។
យោងតាមរបាយការណ៍មួយនៅក្នុងទស្សនាវដ្តី Forbes បានឱ្យដឹងថា មូលដ្ឋានដែលមានទីតាំងយុទ្ធសាស្ត្រនេះហាក់ដូចជាត្រៀមទទួលនាវាចម្បាំងធំៗ និងនាវាដឹកយន្តហោះ ។ ទិដ្ឋភាពមួយនៃមូលដ្ឋាននេះត្រូវបានគេមើលឃើញគឺមានលក្ខណៈពិសេសដូចទៅនឹង«មហាកំផែងចិន» ។
នៅខាងក្នុងជញ្ជាំង Hesco នៃមូលដ្ឋានថ្មីរបស់មហាយក្សចិននេះគឺសាងសង់ចេញពីបេតុងដ៏រឹងមាំ ហើយវាក៏ជាលេណដ្ឋានសម្ងាត់ផងដែរ ពោលគឺជាទីតាំងសមរភូមិមួយសម្រាប់តទល់ជាមួយនឹងសត្រូវ ។ ចំណែកឯនៅខាងជ្រុងនៃមហាកំផែងនេះមានផ្ទុកទៅដោយកាំភ្លើងធំៗជាច្រើនគ្រឿងសម្រាប់វាយប្រហារ និងទប់ទល់សត្រូវវាយលុក ។
មូលដ្ឋានដែលចិនសាងសង់ថ្មីនោះមានការវាយប្រហារដោយកងម៉ារីនដែលឈរជើងនៅក្បែរទីនោះ ជាមួយនឹងរថពាសដែកដែលគេឃើញនៅក្នុងមូលដ្ឋានរួមជាមួយនឹងរថយន្ដប្រយុទ្ធ ZBD-09 និងកាំភ្លើងធំ ZTL-១១ ។ មិនត្រឹមតែប៉ុណ្ណោះមានបំពាក់ទៅដោយកាំភ្លើងស្វ័យប្រវត្ដិ កាំជ្រួចប្រឆាំងរថក្រោះ និងកាំភ្លើងធំថែមទៀតផង ៕