បរទេស៖ បន្ទាប់ពីរយៈពេលជិតពីរខែ នៃការផ្ទុះជំងឺសេះអាហ្វ្រិក(AHS) ដំបូងបង្អស់នៅប្រទេសថៃ បានបំផ្លាញសេះចំនួន៥៣៩ក្បាល។ បន្ទាប់ពីមានការអំពាវនាវឱ្យមានការស៊ើបអង្កេតនាយកដ្ឋានអភិវឌ្ឍន៍បសុសត្វ (DLD) នឹងចាប់ផ្តើមការស៊ើបអង្កេតលើបុព្វហេតុនៃការផ្ទុះជំងឺនេះ។ នេះបើយោងតាមការចុះផ្សាយរបស់សារព័ត៌មាន BangkokPost នាព្រឹកថ្ងៃទី១៨ ខែឧសភា ឆ្នាំ២០២០។
ការផ្ទុះឡើងនៃជំងឺសេះអាហ្វ្រិក(AHS) ត្រូវបានប្រកាសជាផ្លូវការនៅប្រទេសថៃ នៅថ្ងៃទី ២៧ ខែមីនានេះ បន្ទាប់ពីមានសេចក្តីរាយការណ៍ពីការស្លាប់ភ្លាមៗរបស់សេះ ដែលបានកើតឡើងនៅក្នុងស្រុកប៉ាកចុង នៃខេត្តនគររាជសីមា ថ្មីៗនេះបានសំលាប់សត្វសេះជាង៥០០ក្បាល ហើយឥឡូវនេះបានរាលដាលដល់ខេត្តសារ៉ាបូរី ដោយយ៉ាងហោចណាស់មានសេះចំនួន២៨ក្បាល បានឆ្លងជំងឺនេះ។
នាយកដ្ឋានបានចាក់វ៉ាក់សាំងសត្វសេះនៅក្នុងកសិដ្ឋានចំនួន៥៨ ក្នុងចំណោមកសិដ្ឋានចំនួន៧៦ របស់ខេត្តដែលមានចំនួន៧០ភាគរយ នៃសេះដែលបានចុះបញ្ជីចំនួន៦៨៥ នៅទីនោះ។ យោងតាមសហព័ន្ធជិះសេះថៃបានឱ្យដឹងថា ជំងឺនេះឆ្លងរាលដាលតាមរយៈសត្វចចក ហើយវាបន្តឆ្ពោះទៅខាងកើត ខាងលិច និងខាងត្បូងប៉ាក់ចុង ហើយបច្ចុប្បន្ននេះកំពុងប៉ះពាល់ដល់ខេត្តនានាដែលភាគច្រើនគឺខេត្ត Phetchaburi និងខេត្ត Saraburi ។
ម្ចាស់ចម្ការ Ban Rai Saman នៅ tambon Tha Ma Prang និយាយថា សេះរបស់គាត់បានចាប់ផ្តើមងាប់នៅដើមខែនេះដោយសេះចំនួន១០ក្បាល បានងាប់ហើយនិងសេះមួយចំនួនទៀតកំពុងផ្ទុកជំងឺនេះ។
គាត់និយាយថា ឥឡូវនេះគាត់បានដាក់ក្រោលរបស់គាត់ជាមួយមុងដើម្បីការពារសត្វល្អិតដែលផ្ទុក(AHS) ។ តាមការណែនាំរបស់អាជ្ញាធរអភិវឌ្ឍន៍បសុសត្វក្នុងស្រុកដែលបានទៅមើលកសិដ្ឋានរបស់គាត់បន្ទាប់ពីគាត់បានប្រាប់ពួកគេអំពីការស្លាប់ថ្មីៗនេះ។ សត្វល្អិតដែលផ្ទុកវីរុសអាចហោះបានចម្ងាយជាង១០០គីឡូម៉ែត្រ។
ចំនែកពួកម្ចាស់សេះនៅខេត្ត នគររាជសីម៉ា បានដំឡើងមុងនៅក្រោលនិងធ្វើការត្រួតពិនិត្យសីតុណ្ហភាពនិងសុខភាពជាប្រចាំ និងដាក់សេះឈឺនៅដាច់ដោយឡែកពីគ្នា។
លោកមានប្រសាសន៍ថា រហូតមកដល់ពេលនេះសេះចំនួន៨៧៧ ក្នុងចំណោមសេះនៅសល់ចំនួន១ ១៦១ នៅប៉ាក់ចុង ត្រូវបានចាក់វ៉ាក់សាំងព្រោះវីរុសបានឆក់យកអាយុជីវិតសត្វសេះចំនួន៤៣៣ក្បាល នៅក្នុងស្រុកនោះតែម្នាក់ឯង ៕
