ភ្នំពេញ៖ បងប្អូនច្បាស់ជាបានជ្រាបហើយថា គ្រួសារបរទេសមួយដែលបានបង្កើតគម្រោងអភិរក្ស និងតំបន់អេកូទេសចរណ៍នៅដែនជម្រកសត្វព្រៃភ្នំត្នោតកំពុងតែមានការនឿយចិត្តយ៉ាងខ្លាំង ជាមួយនិងការ ការពារសត្វព្រៃនៅក្នុងតំបន់អភិរក្សដែលកំពុងប្រឈមនឹងការកាប់ទន្ទ្រានយកដីពីសំណាក់ជនខិលខូចមួយចំនួន ដែលកាប់បំផ្លាញព្រៃឈើនិងដុតព្រៃជាដើម។ ដែលកាលពីម្សិលមិញនេះស្ពានចូលផ្ទះលោកបេន មកពីសៀមរាប និងព្រះវិហារ គេដុតអស់ទាំងពីរ គ្រាន់តែរយៈពេល១ខែនេះ។
យ៉ាងណាមិញតារាកំប្លែង នាយ ពែកមី ក៏បានបង្ហោះយ៉ាងដូច្នេះថា ខ្លួនលោកព្រមទាំងលោក ហួត ជា ចង់សាងសង់ស្ពាន ដែកឬបេតុង ដោយលោកកំពុងតែប្រកាសស្វែងរកថវិកាពីបងប្អូនដែលចង់ចូលរួមជួយសាងសង់ស្ពានបេតុង ឬដែក ដែលមិនងាយនឹងមានអ្នកបំផ្លាញ។ ពែកមី បានសរសេររៀបរាប់ថា៖ “ក្នុង១ខែគេដុតអស់ស្ពាន២ ហួតជា និង ខ្ញុំ ចង់ធ្វេីស្ពានអោយបេនវិញ ដែកឬបេតុង តោះបងប្អូនចូលរួមជាមួយយេីងខ្ញុំ 015300007 ជួយគ្នា”។
នាយ ពែកមី បានបន្ថែមថា បើសាងសង់ស្ពានដែកឬថ្ម មិនងាយបំផ្លាញទេព្រោះមានទាហ៊ានការពារដែរ តែបេីស្ពានឈេីគឺស្រួលលួចដុតណាស់។ ហើយតារាកំប្លែងរូបនេះបានប្រកាសបន្ថែមយ៉ាងដូច្នេះថា៖ “បងប្អូនចង់ចូលរួម សូមខលមកលេខខ្ញុំផ្ទាល់ ខ្លាចខ្ញុំមេីលក្នុងផេកមិនអស់ លេខខ្ញុំ015300007 លេខកុងABA ខ្ញុំ 000800467 chemchanra”៕
