ប៉េកាំង ៖ ពិតជាដំណឹងល្អ ដែលក្រុមជំនាញវេជ្ជសាស្ត្រចិន ផ្អែកលើលទ្ធផលនៃការព្យាបាលសាកល្បងបានទទួលស្គាល់ថា ថ្នាំ ក្លូរ៉ូគីន ផូស្វាត (Chloroquine Phosphate) ដែលជាថ្នាំប្រឆាំងនឹង ជំងឺគ្រុនចាញ់ មានឥទ្ធិពលក្នុងការព្យាបាលអ្នកជំងឺដែលឆ្លងវីរុសកូរ៉ូណាថ្មី COVID-19 ជាសះស្បើយយ៉ាងមានប្រសិទ្ធភាព នេះបើតាមទីភ្នាក់ងារព័ត៌មានចិន ស៊ីនហួរ ចេញផ្សាយថ្ងៃទី១៧ កុម្ភៈ ២០២០ ។
ថ្លែងនៅក្នុងសន្និសីទសារព័ត៌មានកាលពីព្រឹកថ្ងៃចន្ទនេះ ក្រុមអ្នកជំនាញវេជ្ជសាស្ត្រចិន បានឯកភាពគ្នាជាឯកច្ឆន្ទ ថាឱសថ ក្លូរ៉ូគីន ផូស្វាត (Chloroquine Phosphate) នឹងត្រូវបានដាក់បញ្ចូលក្នុងកម្មវិធីវេជ្ជសាស្ត្រ ក្នុងការព្យាបាល អ្នកឆ្លងវីរុសកូវីដ១៩ COVID-19 ហើយការព្យាបាលតាមវីធីនេះ នឹងធ្វើឡើងក្នុងពេលឆាប់ៗនេះតាមដែលអាចធ្វើទៅបាន» ។
គិតត្រឹមម៉ោង១០យប់ថ្ងៃទី១៧ ខែកុម្ភៈ ឆ្នាំ២០២០ អ្នកស្លាប់សរុបដោយសារវីរុសCOVID-19 បានកើនដល់ ១,៧៧៥នាក់ និងអ្នកឆ្លងកើនដល់៧១,៤៤០នាក់ ។ ចំណេកឯ អ្នកទទួលការព្យាបាលជាសះស្បើយ មានចំនួន១០,៦១៥ នាក់ ៕