បរទេស៖ យោងតាមគណៈកម្មការសុខភាពជាតិចិន បានប្រាប់រ៉យទ័ ឲ្យដឹងថា គិតមកត្រឹមវេលាម៉ោង៥ ល្ងាចថ្ងៃសៅរ៍ទី ១៥ ខែកុម្ភៈ ឆ្នាំ២០២០ ជំងឺផ្លូវដង្ហើមប្រភេទថ្មី COVID-19 បានសម្លាប់មនុស្សសរុបចំនួន១ ៥២៦នាក់ និងអ្នកផ្ទុកមេរោគមានចំនួន៦៧ ១០២នាក់ ក្នុងចំណោមប្រទេសចំនួន២៨ទូទាំងពិភពលោកដែលឆ្លងមេរោគនេះ។ អ្នកស្លាប់ថ្មីកាលពីថ្ងៃសៅរ៍នេះមានចំនួន ១៤៣ នាក់ ជាពិសេសខេត្តហ៊ូបេ។ ស្របពេលជាមួយគ្នា អេហ្ស៊ីប បានប្រកាសពីការរកឃើញករណីដំបូងនៅក្នុងប្រទេសរបស់ខ្លួន និងជាប្រទេសដំបូងបំផុតនៅអាហ្វ្រិក ដែលបានរកឃើញវត្តមានអ្នកកើតជំងឺដែលកំពុងរាតត្បាតមួយនេះ។
បើគិតតែនៅក្នុងប្រទេសចិនមានអ្នកស្លាប់ចំនួន១ ៥១៩ នាក់ និងផ្ទុកមេរោគ៦ ៦២៧១ នាក់ ។ក្រៅពីប្រទេសចិន មានអ្នកស្លាប់បី នាក់ផ្សេងទៀតនៅហុងកុងម្នាក់ ហ្វីលីពីនម្នាក់ និងជប៉ុនម្នាក់។ ក្រៅពីជនជាតិចិន ក៏មានជនជាតិអាមេរិកនិងជប៉ុន ដែលរស់នៅខេត្តវូហាន ស្លាប់ផងដែរ។នកជំងឺជាង១០០០០នាក់ ត្រូវបានរាយការណ៍ថា ស្ថិតក្នុងស្ថានភាពគ្រោះថ្នាក់ រីឯប្រមាណ៧៧០០នាក់ បានសះស្បើយ និងត្រូវបានអនុញ្ញាតឲ្យចេញពីមន្ទីរពេទ្យ។
ចាប់តាំងពីជំងឺនេះកើតឡើងកាលពីថ្ងៃទី៣១ខែ ធ្នូ ឆ្នាំ២០១៩ រហូតមកដល់ពេលនេះ ចំនួនអ្នកស្លាប់មិនមានការថយចុះនោះទេ ផ្ទុយទៅវិញមានតែកើនឡើងជារៀងរាល់ថ្ងៃ ៕