បរទេស៖ ហាងកាហ្វេអាម៉ាហ្សូន(Cafe Amazon) ជាហាងកាហ្វេដែលមានដើមកំណើតនៅប្រទេសថៃ ហើយបានល្បីសុះសាយរហូតដល់មានការចែកចាយជាច្រើនសាខាក្នុងប្រទេសកម្ពុជាដែលត្រូវបានគេស្គាល់ថាជាហាងកាហ្វេដ៏ពេញនិយមបំផុត។
ចំណែកនៅហាងកាហ្វេអាម៉ាហ្សូន ក៏ដូចជាហាងកាហ្វេផ្សេងៗទៀតគេរមែងតែងតែជ្រើសរើសបុគ្គលិកណាដែលមានអាយុក្រោម២៥ឆ្នាំ ហើយមានរូបសម្បត្តិសមរម្យទៀតផង ដើម្យីយកមកបម្រើការងារក្នុងហាង។
ប៉ុន្តែថ្មីៗនេះ នៅសាខាកាហ្វេអាម៉ាហ្សូនថ្មីមួយនៅឯប្រទេសថៃ ដែលទើបតែបើកសម្ភោធ គេប្រទះឃើញបានបង្កើតនៅទស្សនីយភាពដ៏ប្លែកភ្នែក ដែលនៅពេលដែលអ្នកដើរចូលទៅគឺនឹងឃើញមានតែមនុស្សមានវ័យចំណាស់ជាលោកតាលោកយាយប៉ុណ្ណោះដែលជាអ្នកបម្រើសេវាកម្ម។
យោងតាមព័ត៌មានពីទំព័រផ្លូវការរបស់ Cafe Amazon បានសង្កត់ធ្ងន់ថានេះជាការផ្តល់ឱកាសសម្រាប់ជនចាស់ជរាដែលត្រូវការការងារធ្វើ ណាមួយការងារនេះក៏មិនជាតម្រូវប្រើប្រាស់កម្លាំងខ្លាំងអ្វីនោះដែរ។ ពាក្យចាក់ដោតមួយម៉ាត់ដែលគេនិយាយថា៖ “Barista ចាស់តែវ័យ ប៉ុន្តែបេះដូងគឺនៅតែត្រជាក់ជានិច្ច”៕
