ភ្នំពេញ៖ ក្រោយពីមានការចែកចាយជាបន្តបន្ទាប់នូវវីដេអូឃ្លីបមួយ ដែលបង្ហាញពីសកម្មភាពសិស្សសាលាមួយក្រុម ព្រួតគ្នាទាត់ធាក់សិស្សស្រីម្នាក់ និងជេរប្រទេចដូចសត្វធាតុ សមត្ថកិច្ចបានស្រាវជ្រាវឃើញថា សកម្មភាពហិង្សានោះកើតឡើងនៅវិទ្យាល័យផ្សារដើមថ្កូវ ក្នុងខណ្ឌចំការមន។
យោងតាមសមត្ថកិច្ចមូលដ្ឋានបានឲ្យដឹងថា ពេលនេះសមត្ថកិច្ចបានកំពុងចាត់វិធានការករណីនេះហើយ ដោយម្ដាយក្មេងស្រីជនរងគ្រោះបានមកដាក់ពាក្យបណ្ដឹង បើតាមសមត្ថកិច្ចបញ្ជាក់ថា សកម្មភាពទាត់ធាក់ក្មេងស្រីម្នាក់នោះ កើតឡើងនៅថ្ងៃទី២៥ ខែធ្នូ ឆ្នាំ២០១៩កន្លងទៅ។
អធិការនគរបាលខណ្ឌចំការមន លោកយិន សាន បានប្រាប់ថា ទាំងជនរងគ្រោះ និងជនដៃដល់ ត្រូវបានបញ្ជូនទៅកាន់អធិការដ្ឋាន ដើម្បីធ្វើការដោះស្រាយ និងចាត់វិធានការតាមច្បាប់។
គួរជម្រាបថា អ្នកប្រើប្រាស់បណ្តាញសង្គម Facebook នៅថ្ងៃទី១៦ ខែមករា ឆ្នាំ២០២០នេះ បានចែកចាយខ្លីបវីដេអូមួយ ដែលសិស្សសាលាមួយក្រុម ព្រួតគ្នាទាត់ធាក់ និងជេរប្រទេចសិស្សស្រីម្នាក់ ប្រៀបដូចជាសត្វធាតុ ៕
សូមប្រិយមិត្តអញ្ជើញទស្សនា វីដេអូម្ដាយក្មេងស្រីរងគ្រោះមកដាក់ពាក្យបណ្ដឹងនៅទីស្នាក់ការប៉ុស្ដិ៍ផ្សារដើមថ្កូវ៖
ខ្លាំងជាងអ្នកមេសាងទៀត! ក្មេងស្រីទំនេីងប្រចាំវិទ្យាល័យ ផ្សារដើមថ្កូវមែន? បានជាសាហាវចឹង គ្នាមួយក្រុមទាត់ធាក់គ្នាតែឯង មានរឿងអីហេតុអ្វីមិននិយាយតាមសម្រួល? អីលូវ ម្ដាយក្មេងរងគ្រោះបានមកដាក់ពាក្យបណ្ដឹងនៅស្នាក់ការប៉ុស្តិ៍ហេីយ
Posted by បង ម៉េង អ្នកសារព័ត៌មាន on Thursday, 16 January 2020
