បរទេស៖ រដ្ឋNew South Wales នៃសហព័ន្ធអូស្ដ្រាលី គ្រោងប្រកាសភាពអាសន្ននាថ្ងៃស្អែក បន្ទាប់ពីភ្លើងឆេះព្រៃបន្តឆាបឆេះកាន់តែខ្លាំងឡើង និងស្របពេលដែលរលកកម្ដៅកាន់តែកើនឡើង។
នាយករដ្ឋមន្ត្រីនៃរដ្ឋ New South Wales លោកស្រី Gladys Berejiklian បានថ្លែងក្នុងសន្និសីទសារព័ត៌មាននៅព្រឹកនេះថា លោកស្រីនឹងដាក់រដ្ឋស្ថិតក្នុងភាពអាសន្ននាថ្ងៃស្អែកវេលាម៉ោង៩ព្រឹក ដើម្បីបើកឱ្យក្រុមសង្គ្រោះធ្វើការបានច្រើន និងការពារទ្រព្យសម្បត្តិ ក៏ដូចជាអាយុជីវិតរបស់ពលរដ្ឋ។
យោងតាមការចុះផ្សាយរបស់សារព័ត៌មានអង់គ្លេស BBC News ឱ្យដឹងថា គិតចាប់តាំងពីភ្លើងឆេះព្រៃឆាបឆេះនៅអូស្ដ្រាលីតាំងពីខែកញ្ញាឆ្នាំមុនមកដល់ពេលនេះ បានសម្លាប់មនុស្ស១៨នាក់ និងបំផ្លាញផ្ទះសំបែងជាង១២០០ខ្នង។
មនុស្សជាច្រើនពាន់នាក់បានចាកចេញពីផ្ទះរបស់ខ្លួនទៅកាន់តំបន់ភៀសខ្លួនទេសចរណ៍ នៅរដ្ឋ New South Wales ខណៈដែលជំនួយកាន់តិចទៅនៅតំបន់ដែលត្រូវភ្លើងកាត់ផ្ដាច់ផ្លូវមួយចំនួន ដែលការភៀសខ្លួននេះ ត្រូវបានគេចាត់ទុកថា ជាការផ្លាស់ប្ដូរទីលំនៅដ៏ធំជាងគេបំផុតដែលមិនធ្លាប់មានពីមុនមក ៕
