ខេត្តប៉ៃលិន៖ មានមហាជនមិនតិចនាក់ទេដែលបាន នឹងកំពុងតាមដានព័ត៌មានអំពិនាយចឹម ដែលជាតារាចំរៀងកំពូលប្រចាំផលិតកម្មសាន់ដេ ទាក់ទងនឹងករណីយុវជនម្នាក់បានប្រើអំពើហឹង្សាដោយបានយកឈើជ្រុងវៃទៅលើខ្លួន នឹងក្បាលបានបង្កជារបួសស្នាមត្រូវដៃ នឹងក្បាលដេរអស់ចំនួន៥ថ្នេរផងដែរ ផ្តើមដោយភ្លើងប្រចណ្ឌរឿងនាយចឺមឆាតទាក់ទងជាមួយស្រីស្នេហ៍របស់គេ ដែលមហាជននៅតែមិនទាន់ដឹងអត្តសញ្ញាណនារីម្នាក់នោះជាអ្នកណា។
ស្រាប់តែមុននេះបន្តិចក៏បានបែកធ្លាយនូវរូបនារីម្នាក់ហ្នឹងចេញមក គឺរូបនាងពិតជាស្រស់ស្អាតខ្លាំងណាស់ ដែលមានមុខមាត់ស្អាតបាតរាងស្រឡូន គួរឲ្យស្រលាញ់បើប្រុសណាបានឃើញ ហើយប្រាកដជាលង់ស្នេហ៍ជាក់ជាពុំខាន។
សូមបញ្ជាក់ដែលថា ហេតុការណ៍តារាកំប្លែង និងតារាចម្រៀងនាយចឺម ត្រូវគេវាយបែកក្បាលនេះ បានកើតឡើង និងបង្កឲ្យមានការភ្ញាក់ផ្អើលនៅវេលាម៉ោង ០៤និង២០នាទីល្ងាច ថ្ងៃទី១៨ ខែធ្នូ ឆ្នាំ២០១៩ នៅចំណុចបុរីម្កុដពេជ្រ ស្ថិតក្នុងភូមិផ្សារព្រំជើង ឃុំស្ទឹងកាច់ ស្រុកសាលាក្រៅ ។ សមត្ថកិច្ចបានឲ្យដឹងថា ជនរងគ្រោះដែលត្រូវគេវាយបែកក្បាល ដោយផ្តើមចេញពីរឿងទាក់ទងនឹងស្រីស្នេហ៍គេនេះឈ្មោះ សុខ មេសា ហៅនាយចឺម ភេទប្រុស អាយុ២២ឆ្នាំ មុខរបរជាតារាចម្រៀងប្រចាំនៅផលិតកម្មសាន់ដេរ រស់នៅភូមិត្រាចកោះ ឃុំមហាឫស្សី ស្រុកគងពីសី ខេត្តកំពង់ស្ពឺ ។
ចំណែកជនដៃមានឈ្មោះ ង៉ែត លីទី ភេទប្រុស អាយុ២២ឆ្នាំ មុខរបរ បុគ្គលឹកក្រុមហ៊ុន រស់នៅភូមិផ្សារព្រំជើង ឃុំស្ទឹងកាច់ សាលាក្រៅ ខេត្តប៉ៃលិន ។ ប្រភពបន្តថា យុវជនដៃបានយកកំណាត់ឈឺជ្រុងប្រវែងប្រហែល ០.៥ ម៉ែត្រ វាយនាយចឺម បណ្តាលឲ្យមានរងរបួសត្រង់កំភួនដៃទាំងសងខាង និងបែកក្បាលហូរឈាមកក្លាក់ត្រូវគ្រូពេទ្យជួយដេរមុខរបួចំនួន ៥ថ្នេរ និងបណ្ដាលឲ្យបែកទូរស័ព្ទម៉ាក IphoneX ចំនួន ១ គ្រឿងរបស់ជនរងគ្រោះ (ខូចទាំងស្រុង) ៕