ភ្នំពេញ៖ អបអរសាទរ! កីឡាប៉េតង់កម្ពុជា លើវិញ្ញាសា៣ទល់៣ បានឈ្នះមេដាយមាស១គ្រឿងនៅ SEA Games 2019 ក្រោយឈ្នះម៉ាឡេស៊ី នៅវគ្គផ្តាច់ព្រ័ត្រក្នុងលទ្ធផលពិន្ទុ ១៣ទល់នឹង៤ នារសៀលថ្ងៃព្រហស្បតិ៍ ទី០៥ ខែធ្នូនេះ។
ក្រុមកីឡាការិនីប៉េតង់កម្ពុជា ដែលដណ្ដើមបានមេដាយមាសជូនកម្ពុជាពេលនេះ រួមមានកីឡាការិនី ស្រ៊ាង សុរ៉ាឃីម, ដួង ឌីណា និងអ៊ុន ស្រីយ៉ា ។
តាមរយៈមេដាយមាសនេះ បានធ្វើឲ្យកម្ពុជាហក់មកឈរលេខរៀងទី៧ ក្នុងតារាងមេដាយបណ្ដោះអាសន្នវិញ បន្ទាប់ពីដណ្ដើមបានមេដាយសរុប២២គ្រឿង រួមមាន មេដាយមាស២, ប្រាក់៣, និងសំរឹទ្ធ១៧ ៕
គួរបញ្ជាក់ដែលថា នេះគឺជាមេដាយមាសលើកទី២ហើយ សម្រាប់កម្ពុជា ក្នុងព្រឹត្តិការណ៍ SEA Games លើកទី៣០ ឆ្នាំ២០១៩ ដែលមានហ្វីលីពីនធ្វើម្ចាស់ផ្ទះ បន្ទាប់ពីកីឡាគុនល្បុក្កតោ ដណ្តើមបានមេដាយមាស ១គ្រឿងដែរ កាលពីដើមសប្តាហ៍។ គិតត្រឹមរសៀលថ្ងៃនេះ កម្ពុជា ឈ្នះមេដាយសរុបចំនួន ២២គ្រឿងហើយរួមមាន មាស២ ប្រាក់៣ និងសំរិទ្ធ ១៧គ្រឿង ៕