បរទេស៖ បុរសម្នាក់បើករថយន្ដ១គ្រឿង បានបើករុលទៅបុករថយន្ដជាច្រើនគ្រឿងដទៃទៀត ខណៈពេលដែលបើកចូលបារ៉ាស់ប៉ូលីសនៅលើផ្លូវមិត្តភាពផាបណាំណាំស៊ូ ភូមិលេខ១ ស្រុកថាប៉ ខេត្តណងខាយ ប្រទេសថៃ ហេតុការណ៏នេះដែលបានកើតឡើងនៅថ្ងៃទី៤ ខែធ្នូ ឆ្នាំ២០១៩។
នៅកន្លែងកើតហេតុ ប្រទះឃើញរថយន្ដដឹកទំនិញកង២២ ផ្លាកលេខ៧០-៤២៧៤ បានរុលចង្កូតបុករថយន្ដចំនួន៦គ្រឿង ព្រមទាំងមានស្រ្ដីវ័យចំនាស់វ័យ៦០ឆ្នាំ រងរបួសធ្ងន់ ត្រូវបានបញ្ចូនទៅមន្ទីរពេទ្យដើម្បីធ្វើការសង្គ្រោះបន្ទាន់។
តាមការត្រួតពិនិត្យ នឹងសាកសួរតៃកុងឡានដឹកទំនិញមានឈ្មោះពៀក រៈវាឈូ អាយុ៤៩ឆ្នាំ បានឲ្យដឹងថា ខ្លួនបានបើករថយន្ដដឹកទំនិញដើម្បីឆ្ពោះទៅប្រទេសឡាវក្នុងល្បឿនលឿន លុះពេលមកដល់កន្លែងកើតហេតុគាត់ងងុយដេកមួយភាំង ព្រមទាំងមិនបានសង្កេតមើលរថយន្ដបើកទៅមុខ ដូច្នេះហើយរថយន្ដក៏បានបុករថយន្ដខាងមុខយ៉ាងដំណំ ខណៈពេលតម្រង់ទិសបើកចូលទៅកន្លែងកុងត្រូលប៉ូលីសភ្លាមៗដូចនៅក្នុងវីដេអូឃ្លីបបានបង្ហាញ។
បន្ទាប់ពីមានគ្រោះថ្នាក់ដូចខាងលើក្រុមហ៊ុនធានារ៉ាប់រងបានចេញមុខទទួលខុសត្រូវលើសំណងទៅលើរថយន្ដទាំងអស់ដែលបានបុកតៗគ្នាបែបនេះ តាមរយៈកាំមេរ៉ា CCTV បានថតជាប់នូវសកម្មភាពរថយន្ដកង២២ ដែលបានបុករៈរថយន្ដតូចខាងមុខរហូតដល់៦ គ្រឿងជាប់ៗគ្នាតែម្ដង ៕
សូមប្រិយមិត្តអញ្ជើញទស្សនាវីដេអូដូចខាងក្រោម៖
