សំបកក្រូចឃ្វិច គេឃើញដាក់លក់ច្រើន នៅទីក្រុងដុងហ្គួន ខេត្តក្វាងដុង ភាគខាងត្បូងប្រទេសចិន នេះបើតាមសាររព័ត៌មានរបស់ចិន បានចេញផ្សាយនៅថ្ងៃទី២៧ ខែវិច្ឆិកា ឆ្នាំ២០១៩ ។
សំបកក្រូចឃ្វិច ដែលភាសាចិន គេហៅថា chenpi ត្រូវបានគេហាល ឲ្យស្ងួត ប្រើជាគ្រឿងលំអម្ហូបចិន ជាអាហារសម្រន់ និងឱសថបុរាណផងដែរ ដោយទុកកាន់តែយូរគុណភាពកាន់តែខ្ពស់ ។
ការប្រើប្រាស់ សំបកក្រូចឃ្វិច នៅក្នុងឱសថបុរាណចិន មានប្រភពចេញពីរាជវង្សសុង ដែលមានរយៈពេល ៧០០ឆ្នាំមកហើយ ។ សំបកក្រូចឃ្វិច មានប្រជាប្រិយភាពខ្ពស់ តាមរយៈរាជវង្សមិង និងឈីង ។ លោកឈិង យូហ្គី ជាវេជ្ជបណ្ឌិតដ៏ល្បីល្បាញម្នាក់ (១៦៦៧-១៧៤៦) បានអះអាងថា សំបកក្រូចឃ្វិច ជាគ្រឿងផ្សំមួយនៅក្នុងឱសថបុរាណចិន ។ រហូតដល់មានការនាំចេញទៅកាន់បរទេស ដោយឈ្មួញកណ្តាល នៅក្នុងខេត្តក្វាងទុង ។ មុខជំនួញនាំចេញឱសថបុរាណសំបកក្រូចឃ្វិចនេះ បានធ្វើអោយប្រជាកសិករ នៅស៊ីនហួយក្នុងខេត្តក្វាងទុង មានជីវភាពធូរធារ ហើយសំបកក្រូចឃ្វិច ក៏បានពង្រីកជាសង្វាក់ផលិតកម្មកែច្នៃទៅជាចំណីអាហារ ។ ទោះយ៉ាងណា ជំនួញសំបកក្រូចឃ្វិចនេះ មានការធ្លាក់ចុះចាប់តាំងពីឆ្នាំ១៩៩០ រហូតដល់ចុងឆ្នាំ២០០២ ។
យ៉ាងនេះក្តី សម្រាប់បរទេសវីញ មានដូចជាប្រទេសម៉ាឡេស៊ី សិង្ហបុរី អូស្ត្រាលី និងសហរដ្ឋអាមេរិកជាដើម កាលពីអំឡុងឆ្នាំ២០១៨ បានធ្វើការត្រួតពិនិត្យយ៉ាងហោចណាស់ចំនួន២ដង និងរកឃើញថា សំណាកសំបកក្រូចឃ្វិចស្ងួត ដែលចិននិយមយកទៅធ្វើអាហារសម្រន់ និងឱសថបុរាណនេះ មានកម្រិតជាតិដែកពុលដល់ទៅ៨ដង ៕
