អតីតដៃគូរសត្រូវលើសង្វៀននយោបាយ គឺសម្តេចក្រុមព្រះ នរោត្តម រណប្ញទ្ឋិ និងសម្ដេចតេជោ ហ៊ុន សែន បានត្រូវគេឃើញជួបគ្នាជាលើកដំបូងនៅរសៀលថ្ងៃទី២០ វិច្ឆិកា ២០១៩ ក្នុងព្រះរាជពិធីបុណ្យ ព្រះសពសម្តេចរាជបុត្រី ព្រះរៀម នរោត្តម បុប្ផាទេវី ។
អ្វីដែលជាការគួរឲ្យរន្ឋត់ចិត្តនោះ គឺគេឃើញអតីតនាយករដ្ឋមន្ត្រីទី១ នៃរាជរដ្ឋាភិបាលអាណត្តិទី១ និងអតីតប្រធានរដ្ឋសភាសម្តេចក្រុមព្រះ ស្ថិតនៅលើរទេះរុញ និងមានវ័យជរាព្យាធិ ។
គួររំម្លឹកថា កាលពីម៉ោងជាង៩ព្រឹក ថ្ងៃទី១៧ មិថុនា ២០១៨ សម្ដេចក្រុមព្រះ នរោត្ដម រណឬទ្ធិ ព្រះប្រធានគណបក្សហ្វ៊ុនស៊ិនប៉ិច បានជួបគ្រោះថ្នាក់ចរាចរណ៍ បណ្តាលឲ្យព្រះអង្គ និងអ្នកម្នាង អ៊ុក ផល្លា រងរបួសធ្ងន់ តែក្រោយមកដោយស្ថានភាពរបួសធ្ងន់ធ្ងរពេក អ្នកម្នាង អ៊ុក ផល្លា ក៍បានចូលទិវង្គត នៅមន្ទីរពេទ្យក្នុងប្រទេសថៃ ។
គ្រោះថ្នាក់ចរាចរណ៍នេះ បានកើតឡើង នៅភូមិអូរតាសេក ឃុំអូរចំណារ ស្រុកព្រៃណប់ ខេត្ដព្រះសីហនុ ចំណុចគីឡូម៉ែត្រលេខ២០០-២០១ ខណៈដែលព្រះអង្គកំពុងយាង ទៅជួបសំណេះសំណាល ជាមួយប្រជាពលរដ្ឋនៅក្នុងខេត្តព្រះសីហនុ ៕