ខេត្តរតនគិរី ៖ កម្លាំងរដ្ឋបាលប៉ុស្តិ៍សង្កាត់យក្ខឡោម បានសហការជាមួយកម្លាំងស្នងការដ្ឋាននគរបាលខេត្ត និងកម្លាំងអាវុធហត្ថក្រុងបានលុង បានចាប់ខ្លួនបុរសម្នាក់ យកដុំថ្មដើរគប់រថយន្ត អ្នកធ្វើដំណើរ តាមដងផ្លូវ ។
ករណីនេះបានកើតឡើងកាលពីវេលាម៉ោង១និង៣០នាទីរសៀល ថ្ងៃទី១៨ វិច្ឆិកា ២០១៩ ត្រង់ចំណុចអូរត្រាវ ស្ថិតនៅក្នុងភូមិភ្នំ សង្កាត់យក្ខឡោម ក្រុងបានលុង ខេត្តរតនគិរី ។
សមត្ថកិច្ច បានឲ្យដឹងថា ជនបង្កខាងលើមានឈ្មោះ សន បញ្ញា ភេទប្រុស អាយុ២៨ឆ្នាំ ជនជាតិខ្មែរ មុខរបរមិនពិតប្រាកដ ជាមនុស្សបែកថ្នាំ (ប្រើប្រាស់សារធាតុញៀន) ។
ក្រោយពីឃាត់ខ្លួនបានជនបង្ក សមត្ថកិច្ចនាំខ្លួន ចូលប៉ុស្តិ៍សង្កាត់យក្ខឡោម ដកហូតវត្ថុតាងបានមាន ម្សៅក្រាមពណ៌សថ្លា សង្ស័យថ្នាំញៀនចំនួន១ថង់តូច, កូនសោលេខ១៧ ចំនួន១ដើម បារីមួយកញ្ចប់ និងដែកកេះចំនួន១ដើមផងដែរ ។
បច្ចុប្បន្នយុវជនបង្កនេះ ត្រូវបានប្រគល់ជូនទៅឲ្យ កម្លាំងកងរាជអាវុធហត្ថក្រុងបានលុង ចាត់ការតាមនីតិវិធី ៕