ការយកដូងធម្មតាមកឲ្យទៅជាដូងខ្ទិះ គឺជារឿងមិនពិបាកនោះទេ គ្រាន់តែបងប្អូនត្រូវតែអនុវត្តន៏តាមវិធីសាស្រ្ដមួយចំនួនតែប៉ុណ្ណោះ។ មានវិធីសាស្រ្ដ២ផ្សេងៗខុសគ្នាដើម្បីយកមកអនុវត្តន៏ ដូចនេះចង់ដឹងថាគេថាយ៉ាងណានោះសូមបងប្អូនមកស្វែងយល់ ដូចខាងក្រោម៖
*វិធីទី១៖
-យកថង់ប្លាស្ទិករុំធ្លាយវា គឺរុំតាំងតែពីធ្លាយនោះនៅជាខ្ពបចាប់ផ្តើមបែកចេញផ្កាម្លេះ។ រុំរហូតផ្លែធំគួរសមចាំស្រាយចេញ ផ្លែដែលយើងរុំថង់នោះ នឹងក្លាយជាផ្លែខ្ទិះ 80-90%ឯណោះ។
*វិធីទី២៖
-យកផ្លែដូងទុំធម្មតាមកបណ្តុះឲ្យបានពន្លកប្រវែងប្រមាណ30សម រួចកាប់គូទដូងបាយកកំពីងចេញឲ្យអស់ យកដីស្អិតមកញាត់ឲ្យពេញហើយណែនល្អរួចសឹមយកទៅដាំ។
វិធីនេះវានឹងបានក្លាយជាដូងខ្ទិះ៥០% ក្នុងធ្លាយ បើចង់បានភាគរយរហូត៨០ទៅ៩០% សូមយកផ្លែដូងមិនខ្ទិះរបស់ដើមដែលបានធ្វើនេះទៅបណ្តុះធ្វើវាម្តងទៀត។ យកដូងដែលយើងបណ្ដុះ មកអារកាត់កន្ទុយរបស់វា បារយកចេញនូវកំពីងខាងក្នុងអោយអស់ រួចហើយបិទមុខកាត់ដោយដីឥដ្ឋអោយពេញ រួចហើយយកទៅដាក់ផ្សាំកូនដូងអោយវាលូតលាស់រឹងមាំជាមុនសិនសិមយកទៅដាក់ដាំ។
ឯកសារខ្លះថាដូងមួយធ្លាយអាចមានខ្ទិះតែមួយផ្លែ ឬច្រើនបំផុត៣ផ្លែប៉ុណ្ណោះ។ ធ្វើម៉េចដឹងថាផ្លែណាខ្ទិះ មួយណាមិនទៅ? គឺយកដូងចាស់មកក្រឡុកមើល បើមិនឮសូទឹកទេគឺវាជាផ្លែខ្ទិះហើយ ៕