ខ្ជាយ ជារុក្ខជាតិប្រភេទប្រទាល មានមើម កម្ពស់ពី ៥០-៨០ សង់ទីម៉ែត្រ ស្លឹកធំរៀវវែង ប្រមាណ ៣០ស.ម ពណ៌បៃតងចាស់ ផ្កាវាពណ៌ផ្កាឈូក មានពីរទន្ទឹមគ្នា ត្របកផ្កាធំប្រមាណ ២ស.មនៅគែមស្រទាប់ពណ៌ក្រហមភាគច្រើនដាំនៅតាមផ្ទះ ដើម្បីធ្វើជាគ្រឿងទេសសម្រាប់ស្ល។ គេប្រើមើមរបស់រុក្ខជាតិនេះ ដើម្បីធ្វើជាថ្នាំព្យាបាល ឈឺពោះ ប្រេះមាត់ ស្ងួតមាត់ បញ្ចុះទឹកនោម ឈឺក្រពះ រាកមួល អាសន្នរោគ បន្សាបពិស និងធ្លាក់ស។
+របៀបប្រើប្រាស់៖
-មើមស្រស់ លាងទឹកអោយស្អាតប្រើ ៥០ក្រាម ក្នុងមួយថ្ងៃ ដាំទឹកហូប។
-ប្រើខាងក្រៅ បុកខ្ជាយស្រស់លាយអំបិលបន្តិច លាប ឬបិតបំពោក (បិតអោយពេញ)។
មុននិងបងប្អូនសាកល្បងអនុវត្តន៏វិធីនេះ សូមបងប្អូនទទួលការព្យាបាលពីគ្រូពេទ្យឲ្យអស់លទ្ធភាពជាមុនសិន ចៀសវាងមានការធ្វេសប្រហែសនៅថ្ងៃក្រោយ ៕
