ប្រភេទដំណាំដែលសមស្របសម្រាប់ដាំដុះ ជាទូទៅគួរជ្រើសរើសដំណាំដោយមានលក្ខណៈពិសេសដូចជា៖
– សមស្របទៅតាមរដូវកាល ដូចជា រដូវប្រាំង គេដាំដំណាំដែលធន់នឹងភាពរាំងស្ងួត ហើយរដូវវស្សា គេដាំដំណាំដែលធន់នឹងភាពជាំទឹក ។
– សមស្របទៅតាមជីជាតិដីរបស់សួន និងទីតាំងរបស់សួន ឧទាហរណ៍ ប្រសិនបើដីមិនសូវមានជីជាតិ គេជ្រើសរើសដំណាំណាដែលមិនសូវត្រូវការជីជាតិច្រើន ។
– សមស្របទៅតាមតម្រូវការរបស់គ្រួសារ ជាពិសេសដំណាំដែលផ្តល់នូវសារធាតុចិញ្ចឹមច្រើន ។
– ភាពងាយស្រួលក្នុងការផលិត និងទុកដាក់ពូជ ។
– ដំណាំដែលអាចឱ្យផលបានគ្រប់រដូវ ។
ប្រភេទដំណាំដែលកសិករអាចជ្រើសរើសដាំដុះបានរួមមាន ស្លឹកបាស, ត្រប់គ្រប់ប្រភេទ, ក្រូចឆ្មារ, ផ្ទី, ម្ទេស, ចេក, ត្រកួន, ប្រពាយស្បែក, ល្ហុង, ជ្រលង់, សណ្តែកកួរ, ឃ្លោក, ស្លឹកគ្រៃ, ម្រះ, ដំឡូងជ្វា, ជីគ្រប់ប្រភេទ, ននោង, ដំឡូងមី, ខ្ញី, ខ្ជាយ, ត្រឡាច, ត្រាវ, រំដេង, ល្ពៅ, ដំឡូងដៃខ្លា, ល្មៀត និងត្រសក់ជាដើម ៕
