ខេត្តកណ្ដាល ៖ ដើម្បីទប់ស្កាត់រាល់បទល្មើសជលផលគ្រប់ប្រភេទដែលច្បាប់ហាមឃាត់ សមត្ថកិច្ចសង្កាត់ជលផលលើកដែក បានចុះប្រតិបត្តិការបង្ក្រាបបទល្មើសនេសាទនារដូវត្រីពងកូន រឹបអូសឧបករណ៍ខុសច្បាប់ យកមកដុតកម្ទេចចោល ។
ប្រតិបត្តិការនេះធ្វើឡើងកាលពីថ្ងៃទី១៧ តុលា ២០១៩ ត្រង់ចំណុចកន្ទុយព្រែកថ្មី ព្រែកសាមគ្គី ព្រែកបន្ទាយ ស្ថិតក្នុងឃុំខ្ពបអាទាវ ស្រុកលើកដែក ខេត្តកណ្តាល ។
ជាលទ្ធផល កម្លាំង បានចុះកាប់បំផ្លាញឧបករណ៍នេសាទខុសច្បាប់មួយចំនួន និងដុតកម្ទេចចោលនៅកន្លែងទីទួលក្នុងភូមិ-ឃុំខាងលើ ឧបករណ៍ខុសច្បាប់រួមមានលូស្បៃមុង២៦លូ របាំងស្បៃមុង១៣០០ម៉ែត្រ បង្គោល៨០០ដើម និងលែងកូនត្រី៤០គីឡូក្រាម ចូលទៅក្នុងទន្លេវិញ ៕
