គោ គឺជាសត្វចិញ្ចឹមក្នុងស្រុកដែលងាយ នឹងឆ្លងជម្ងឺពីបណ្ដាសត្វនាៗ ឬក៏មានជម្ងឺដោយឯកឯង ដើម្បីបញ្ចៀសពីជម្ងឺ ឬក៏ព្យាបាលជម្ងឺទាំងអស់នេះ កសិករបានជ្រើសរើសការចាក់ថ្នាំ ដើម្បីព្យាបាលជាជំហានដំបូងបំផុត ប៉ុន្តែការចាក់ថ្នាំនេមានពេលខ្លះវាមិនអាចជាទាំងស្រុងនោះទេ។ ក្នុងថ្ងៃនេះដែរយើង នឹងណែនាំកសិករទាំងអស់ពីវិធីធ្វើថ្នាំធម្មជាតិដើម្បីព្យាបាលគោឈឺពោះ ទល់លាមក ដូចខាងក្រោម៖
រោគសញ្ញាគោហើមពោះ និងទល់លាមក៖
-ច្រមុះឡើងស្ងួត មិនស៊ីចំណី ហើមពោះចេះតែហើមធំទៅ ៗ។
+ វត្ថុធាតុដើម និងសម្ភារ៖
– សាច់ជូរសប៉ុនមេដៃ (សាច់ជូរសំរាប់កូរទឹកថ្លា)
– ស្លឹកម្រះព្រៅ មួយកណ្តាប់ដៃ
– ទឹក ១លីត្រ
– ស្បៃច្រោះ
– ត្បាល់បុកថ្នាំ។
+ វិធីធ្វើ ៖
– បុកស្លឹកម្រេះព្រៅឱ្យម៉ដ្ឋ រួចចាក់ទឹកប្រហែល១លីត្រចូលច្របាច់ជាមួយស្លឹកម្រេះព្រៅឱ្យសព្វ
– យកសាច់ជូរមកដាក់ត្រាំក្នុងទឹកម្រេះព្រៅនោះឱ្យរលាយ។
– យកស្បៃច្រោះឱ្យស្អាត ហើយចាក់ចូលទៅក្នុងដប។
+ វិធីប្រើប្រាស់៖
– ច្រកទឹកថ្នាំឱ្យគោផឹកភ្លាមៗ ដោយច្រកម្តងឱ្យអស់
– មិនអាចរក្សាទុកទឹកថ្នាំនេះឱ្យលើសពី ២ម៉ោងឡើយ ព្រោះអាចធ្វើអោយថ្នាំខូចគុណភាព
– ក្នុងមួយថ្ងៃច្រកទឹកថ្នាំ នេះតែម្តងប៉ុណ្ណោះ
– ២-៣ថ្ងៃក្រោយច្រកថ្នាំគោរួច គោនឹងបានជាសះស្បើយ ៕
