ខេត្តព្រះសីហនុ ៖ នៅព្រឹកថ្ងៃទី១៤ ខែតុលា ឆ្នាំ២០១៩ លោក នួន ប៊ុនថុល អភិបាលក្រុងកោះរ៉ុង បានដឹកនាំមន្ត្រីរាជការ មន្ទីរបរិស្ថានខេត្តព្រះសីហនុ អាជ្ញាធរដែនដី កងកម្លាំងប្រដាប់អាវុធ ក្រុមអាជីវករ និងយុវជន មកពី(ស.ស.យ.ក)ខេត្ត និងសិស្សានុសិស្សប្រមាណ៧០នាក់ ចូលរួមធ្វើការផ្សព្វផ្សាយ ការធ្វើការអនាម័យបរិស្ថាន ការទុកដាក់សំរាម និងធ្វើសកម្មភាពរើសសំរាមសម្អាតឆ្នេរសមុទ្រ នៅភូមិកោះតូច និងឆ្នេរឡុងសិត ស្ថិតក្នុងសង្កាត់កោះរ៉ុងសន្លឹម ដើម្បីបង្កើននូវអនាម័យ សោភ័ណភាពឆ្នេរ សុខមាលភាពបរិស្ថាន ដែលជាគំរូ សម្រាប់សាធារណជន ក្នុងការចូលរួមសម្អាតបរិស្ថាន និងការទុកដាក់សម្រាមផងដែរ ៕
