ធូរេន ជាដំណាំហូបផ្លែដែលមានពូជច្រើនប្រភេទខុសៗគ្នា ពូជខ្លះមាននៅក្នុងស្រុក នឹងពូជខ្លះទៀតត្រូវបាននាំចូលពីក្រៅប្រទេស ដើម្បីយកមកបង្កបង្កើនផលសម្រាប់បំពេញតម្រូវក្នុងទីផ្សារជាប្រចាំថ្ងៃ។ សព្វថ្ងៃ ធូរេនត្រូវបានគេសង្កេតឃើញថា ហាក់បីដូចជាមានសន្ទុះទីផ្សារខ្ពស់មិនថាក្នុងប្រទេស និងក្រៅប្រទេស ដោយហេតុនេះហើយ ការដាំធូរេនមានការកើនឡើងជាលំដាប់។
បច្ចុប្បន្ន ទីផ្សារត្រូវការពូជទុរេនសំខាន់ៗដូចជា ពូជម៉ាន់ថង ឪខាត់ ចាន់នី ។ល។
– ពូជទុរេនដែលលោក-អ្នកគួរជ្រើសរើសដាំដុះ គឺជាពូជដែលអាចបន្សាំទៅនឹងអាកាសធាតុ, មានសុខភាពល្អ, ធន់នឹងជំងឺផ្សិតរលួយឫស គល់, ប្រព័ន្ធឫសមិនរមួល, មានស្លឹកច្រើនល្អ និងពណ៌បៃតងចាស់ ។
– លទ្ធផលដែលល្អបំផុត ត្រូវដាំកូនដែលធំល្មម ហើយបានថែរក្សាក្នុងថ្នាលបណ្តុះកូនច្រើនជាងមួយឆ្នាំ ។