រាជធានីភ្នំពេញ ៖ កម្លាំងសមត្ថកិច្ចជំនាញនៃអធិការដ្ឋាននគរបាលខណ្ឌដូនពេញ ធ្វើការស្រាវជ្រាវ និងបង្ក្រាប
ជនសង្ស័យប្រុសស្រីចំនួន១២នាក់ ជាមុខសញ្ញា ជួញដូរ និងប្រើប្រាស់គ្រឿងញៀនយ៉ាងសកម្មក្នុងរាជធានីភ្នំពេញ ។
ករណីបង្ក្រាបគ្រឿងញៀននេះធ្វើឡើងនៅម៉ោង០១រសៀល ថ្ងៃទី១១ តុលា ២០១៩ នេះនៅចំណុចតាមបណ្ដោយផ្លូវរថភ្លើង ក្រុម៣៩ ភូមិ២ សង្កាត់ស្រះចក ខណ្ឌដូនពេញ រាជធានីភ្នំពេញ ។
ជាលទ្ធផល សមត្ថកិច្ចរកឃើញ និងឃាត់ខ្លួនជនសង្ស័យប្រុសស្រីចំនួន១២នាក់(ស្រី៣នាក់) រួមនិងដកហូតសារធាតុញៀន និងសម្ភារចែកចាយសារធាតុញៀនមួយចំនួន រួមមាន ៖ ក្រាមសរថ្លាសង្ស័យជាគ្រឿងញៀនចំនួន០៩កញ្ចប់តូច, ជញ្ជីងថ្លឹងគ្រឿងញៀនចំនួន០១, ថង់សំរាប់ច្រកគ្រឿងញៀនមួយចំនួន, ដាវកែច្នែចំនួន០៣ដើម, ឧបករណ៍ប្រើប្រាស់គ្រឿងញៀនមួយចំនួនធំ ។
បច្ចុប្បន្នជនសង្ស័យទាំង១២នាក់ និងវត្ថុតាង ត្រូវបញ្ជូនមកអធិការខណ្ឌដូនពេញ ដើម្បីកសាងសំណុំរឿងបញ្ជូនទៅសាលាដំបូងរាជធានីភ្នំពេញ អនុវត្តតាមនីតិវិធី ៕
