ក្រៅពីចិញ្ចឹមសត្វផ្សេងៗជាលក្ខណៈគ្រួសារ ការចិញ្ចឹមត្រីក៏ជាមុខរបរសំខាន់មួយដែរ សម្រាប់ផ្គត់ផ្គង់គ្រួសារ និងការលក់ដូរជាដើម។ ការយល់ដឹងពីបច្ចេកទេសនៃការចិញ្ចឹមត្រីនេះ វាក៏មិនមែនជារឿងស្រួលដែរ ប៉ុន្ដែពេលនេះ វាមិនមែនជាបញ្ហាទេ ក្រុមការងារពួកយើង នឹងជួយអ្នកពីការរៀបស្រះ ការជ្រើសរើសពូជ និងបច្ចេកទេសជាច្រើនទៀត។
ដូច្នេះ ការរៀបស្រះមានពីររបៀបគឺ៖ ជាការជីកស្រះតូចកំរាលតង់ប្លាស្ទីក និងរបៀបច្រកបាវលើកជាស្រះកំរាលតង់ប្លាស្ទីកដែលស្រះទាំងនោះមាន បណ្តោយ 2ម៉ែត្រ និង ទទឹង 4ម៉ែត្រ។
១/. របៀបជីកស្រះជាលក្ខណៈគ្រួសារ
ជីកស្រះដែលមានបណ្តោយ 4ម៉ែត្រ ទទឹង 2ម៉ែត្រ និងជំរៅ 1.5 ទៅ 2ម៉ែត្រ ។ ការជីកនេះ ត្រូវតម្រូវទៅតាមមុខកាត់របស់តង់ប្លាស្ទីកដែលមានលក់នៅផ្សារក្បែរផ្ទះអ្នក មានន័យថា ទិញតង់ប្លាស្ទីកសិន ទើបជីកស្រះតម្រូវជាក្រោយ។ ក្រោយពេលជីកស្រះហើយ ត្រូវអនុវត្តន៍ដូចខាងក្រោម៖ វាយពង្រាបបាតស្រះឱ្យស្មើ បើមានគ្រួស ឬអំបែងត្រូវរើសយកចេញ ជៀសវាងការធ្វើឱ្យធ្លុះធ្លាយនៅពេលដែលយើងក្រាលតង់ប្លាស្ទីកឱ្យបានជុំវិញបរិវេណផ្ទៃស្រះ រួចយកដីផុស ឬដីដែលជីកមកទ្រាប់បាតស្រះឱ្យបានកម្រាស់ 1តឹក។ ក្រោយពេលទ្រាប់បាតស្រះហើយ យើងត្រូវអនុវត្តន៍ទៅតាមការចិញ្ចឹមត្រីខ្នាតធំខាងលើ។
២/. របៀបច្រកដី ឬខ្សាច់ក្នុងបាវ
យើងយកបាវមកច្រកដី ឬខ្សាច់ ហើយរៀបជារាងចតុកោណកែង និងការរៀបយកជាបាវមិនអាចយកបាវមួយទេខ្លាចក្រែងទប់នឹងទំងន់ទឹកមិនជាប់។ ធ្វើយ៉ាងណាឱ្យមានកម្ពស់ទៅតាមការកំណត់ខាងលើ។ ការទ្រាប់បាតស្រះយកដីផុស 1តឹកដូចគ្នាមកទ្រាប់បាតស្រះ។ ចំណែកការអនុវត្តន៍ផ្សេងៗទៀតដូចជាការណែនាំខាងលើ។
បន្ទាប់ពីរៀបចំស្រះរួចរាល់ហើយនោះ យើងត្រូវជ្រើសរើសប្រភេទត្រីដែលយើងគិតថា វាចាប់ទទួលផល ធន់នឹងធម្មជាតិ ងាយស្រួលចិញ្ចឹម និងស្របតាមតម្រូវការទីផ្សារ។ ក្រោយមកយើងថែរក្សាវាធម្មតា ដោយមានចំណី និងការផ្លាស់ប្ដូរទឹក នៅពេលវាមានក្លឹនរំខាននោះ។ ក្រៅពីនេះ យើងគួរតែប្រើប្រាស់ ថ្នាំសេរីរាង ឬថ្នាំធម្មជាតិ EX-M ។
ដោយសារ EX-M ជួយបំបាត់ក្លិនស្អុយក្នុងទឹក ព្យាបាលជំងឹត្រី បង្កើនអុកស៊ីសែន បង្កើតប្លង់តុង ត្រីមានទំងន់ធ្ងន់ ជួយកាត់បន្ថយថ្លៃប្រេងបូមទឹករបស់លោកអ្នក ជួយកាត់បន្ថយការងារ និងចំណេញពេលវេលា ៕
