រាជធានីភ្នំពេញ ៖ ក្រុមបាល់ទាត់ជម្រើសជាតិកម្ពុជា បានប្រកួតចាញ់ក្រុមម្ចាស់ផ្ទះ ជម្រើសជាតិអ៊ីរ៉ង់ ក្នុងលទ្ធផល កម្ពុជា០ទល់អ៊ីរ៉ង់១៤ នៅក្នុងការប្រកួតកាលពីយប់មិញ នៅកីឡដ្ឋាន Azadi Stadium នៃទីក្រុង Tehran ប្រទេស អ៊ីរ៉ង់ សម្រាប់ការប្រកួតក្នុងពូល C វគ្គជម្រុះជុំទី២ FIFA World Cup ។
នៅក្នុងការប្រកួត៤៥នាទីដំបូង(តង់ទី១) ម្ចាស់ផ្ទះ អ៊ីរ៉ង់ ធ្វើសម្រេចបាន៧គ្រាប់លើក្រុមភ្ញៀវកម្ពុជា ហើយនៅ(តង់ទី២) អ៊ីរ៉ង់រកបាន៧គ្រាប់បន្ថែមទៀត សរុប ១៤ទល់ ០ ។
ក្រុមបាល់ទាត់ជម្រើសជាតិកម្ពុជានឹងត្រូវបន្តនៅប្រកួតទី៤ របស់ខ្លួន នាថ្ងៃទី១៥ ខែតុលា ២០១៩នេះ ដោយនឹងបើកកីឡដ្ឋានរបស់ខ្លួន ស្វាគមន៍ក្រុមជម្រើសជាតិ អ៊ីរ៉ាក់ ៕
