ស្វាយ គឺជាដំណាំហូបផ្លែដែលប្រជាកសិករនិយមដាំ នៅតាមភូមិ ស្រុក មិនថាដាំជាលក្ខណៈគ្រួសារ ឬក៏ចម្ការធំៗ។ ការដាំស្វាយមានបច្ចេកទេសដាំខុសគ្នា ដោយកសិករខ្លះដាំ ដោយកូនដែលបំបៅដោយមែក ព្រោះអាចដុះលូតលាស់លឿននិងឆាប់ឲ្យផ្លែ ប៉ុន្តែក៍មានកសិករខ្លះដាំដោយគ្រាប់បានទទួលផលល្អដែរ ។
ដូច្នេះក្នុងថ្ងៃនេះដែរ យើងនិងបង្ហាញពីវិធីសាស្រ្ដដាំស្វាយឲ្យដើមតឿងាយស្រួលប្រមូលផ្លែ ដូចខាងក្រោម៖
*របៀបនៃការធ្វើឲ្យដើមស្វាយតឿ ៖
-ជ្រើសរើសពូជដែលល្អ
-ត្រៀមដី ជី ឧបករណ៍ ទឹក
-ចាប់ផ្ដើមដាំ មើលថែឲ្យដើមដុះត្រង់ឡើងលើ
-ធ្វើការកាត់មែកដែលដុះជាប់គល់ គឺធ្វើឲ្យដើមវាស្រឡូនបើអាចកាត់ត្រួយវាក្នុងអាយុ៣ទៅ៤ខែ ដើម្បីឲ្យវាលាស់ត្រួយបែកមែក(ទុកម្ដង៣មែក)
-ក្រោយពីដើមស្វាយយើងមានកំពស់២ទៅ២.៥ ម៉ែត្រហើយយើងអាចធ្វើការពត់ដើម បានហើយ
*វិធីពត់ដើម៖
-វៃបង្គោលនៅជិតគល់ស្វាយចម្ងាយ១តឹក
-យកខ្សែមកចងដើមស្វាយឲ្យមានកំពស់១មែតពីគល់
-វៃបង្គោលមួយទៀតចម្ងាយពីគល់១ម៉ែត្ររួចទាញដើមស្វាយមកចងឲ្យជាប់ (គួរធ្វើការពត់ម្ដងបន្តិចៗ ចុះក្រោមរហូតបាន៩០ដឺក្រេពត់នៅពេលថ្ងៃ)
-បើចង់បានផ្លែធំ យើងទុកឲ្យជាប់តែមួយផ្លែក្នុង១ទង
វិធីនេះគ្រាន់តែជាការចែករំលែកនូវចំណេះដឹងមួយផ្នែកតែប៉ុណ្ណោះ បើបងប្អូនចង់ដឹងថាវាបានផល ឬអត់គឺអាស្រ័យលើការអនុវត្តន៏ផ្ទាល់ នឹងរិៈរកបន្ថែមនូវបច្ចេកទេសបន្ថែមទៀត ៕