រាជធានីភ្នំពេញ ៖ កម្លាំងនគរបាលខណ្ឌទួលគោក បានឃាត់ខ្លួនស្ត្រីម្នាក់ អតីតចៅសង្កាត់រងទី១ សង្កាត់ផ្សារដេប៉ូទី២ ពាក់ព័ន្ធបទល្មើស រួមគំនិតក្បត់ ជាមួយឧក្រិដ្ឋជន សង រង្ស៊ី និងក្រុមឧទ្ទាមនៅក្រៅប្រទេស ។
សមត្ថកិច្ចឃាត់ខ្លួនកាលពីរសៀលថ្ងៃទី៧ តុលា ២០១៩ នៅចំណុចនៅផ្ទះលេខ៥៧z ផ្លូវលេខ១៥០ ក្រុមទី៣១ ភូមិ១១ សង្កាត់ផ្សារដេប៉ូទី២ ខណ្ឌទួលគោក រាជធានីភ្នំពេញ ។
ជនត្រូវចោទមានឈ្មោះ ទិត្យ សុផាត ភេទស្រី អាយុ៦៦ឆ្នាំ ជនជាតិខ្មែរ ជាអតីតចៅសង្កាត់រងទី១ សង្កាត់ផ្សារដេប៉ូទី២ ខណ្ឌទួលគោក ត្រូវតុលាការចោទប្រកាន់ពីបទ រួមគំនិតក្បត់ ប្រព្រឹត្តនៅព្រះរាជាណាចក្រកម្ពុជា ក្នុងកំឡុងឆ្នាំ២០១៩ យោងតាមមាត្រា ៤៥៣ នៃក្រមព្រហ្មទណ្ឌ និងបានសមត្ថកិច្ចចាប់ខ្លួន តាមដីកាបង្គាប់ឲ្យនាំខ្លួនរបស់លោក កូយ សៅ អនុប្រធាននិងជាចៅក្រមស៊ើបសួរ នៃសាលាដំបូងរាជធានីភ្នំពេញ ៕