ហ្វីលីពីន ៖ មន្ត្រីប៉ូលិសហ្វីលីពីន បាននិយាយថា កាលពីថ្ងៃទី៧តុលា កម្លាំងប៉ូលិសបានចាប់ខ្លួនស្ត្រីឥណ្ឌូនេស៊ី ដែលនាំចូលថ្នាំញៀន៨គីឡូក្រាម មានតម្លៃខ្ទង់១លានដុល្លារ ចេញមកពីប្រទេសកម្ពុជា ។
ចំណែកឯមន្ត្រីការិយាល័យគយ បាននិយាយថា នាង អាកណេស អាឡិចសង់ដ្រា ត្រូវបានឃាត់ខ្លួន កាលពីយប់ នៅអាកាសយានដ្ឋានក្រុងម៉ានីល ក្រោយពីមន្ត្រីរកឃើញថ្នាំញៀនមេអំហ្វេតាមីនក្រាម (ម៉ាទឹកកក) ចំនួន៨គីឡូក្រាមនៅក្នុងថង់អីវ៉ាន់របស់នាង ក្នុងជើងហោះហើរ ពីក្រុងសៀមរាប ទៅក្រុងម៉ានីល។
ទោះជាយ៉ាងណា នាងបានយំ និងគ្របមុខ ហើយឆ្លើយបដិសេធថា អីវ៉ាន់នោះមិនជារបស់នាងទេ ។ នាងអះអាងថា មានគេហុចស្បោមួយ អោយនាងកាន់ ប៉ុន្តែមន្ត្រីជំនាញថា វាជារឿងដោះសាររបស់ជនសង្ស័យទេ ។
មន្ត្រីដដែលបញ្ជាក់ថា អាឡិចសង់ដ្រា នឹងត្រូវចោទប្រកាន់ពីបទជួញដូរថ្នាំញៀន៕