បច្ចុប្បន្ននេះ រូបសម្រស់គឺជារឿងចាំបាច់របស់មនុស្សគ្រប់វ័យមិនថាក្មេង ឬក៏មនុស្សចាស់។ ក៏ដូចជារូបរាងរបស់យើងដែរ មានមនុស្សជាច្រើនបានយកទុកដាក់ថែរាង ដោយព្យាយាមធ្វើលំហាត់ប្រាណ តមចំណីអាហារ ក៏ប៉ុន្តែមានកត្តាជាច្រើនតែងតែរារាំងការតាំងចិត្តជានិច្ច ដូចនេះហើយក៏ចេះតែបណ្ដែតបណ្ដោយពីមួយថ្ងៃៗ រហូតដល់ខូចរាងអស់។
ដូចនេះដើម្បីទុកជាការចែករំលែកចំណេះដឹងមួយដ៏ល្អ ក្រុមការងារយើងនឹងណែនាំនូវរូបមន្ដធម្មជាតិមួយ ដើម្បីជួយសម្រកខ្លាញ់ និងទម្ងន់យ៉ាងមានប្រសិទ្ធភាព។
*គ្រឿងផ្សំ៖
-ក្រូច 1គីឡូ
-ទឹកឃ្មុំ 300មីលីលីត្រ
-អំបិល 150ក្រាម
-ក្រឡកែវ ឬក្រឡប្លាស្ទិចមួយ។
*របៀបធ្វើ៖
-ជំហានទី១ អ្នកត្រូវជ្រើសរើសយកក្រូចស្រស់ សម្បូរទឹកច្រើន។ យកវាទៅលាងឱ្យស្អាត រួចដាក់ត្រាំក្នុងទឹកអំបិលរយៈពេល 15នាទី។ អំបិលនឹងទៅកម្ចាត់ជាតិពុល និងបង្ការពីបញ្ហាផ្សេងៗបើមាន។ ចុងក្រោយ ស្រង់ក្រូចដាក់ក្នុងកញ្ច្រែងឱ្យខ្សោះទឹក។
-ជំហានទី២ ប្រើកាំបិតហាន់ក្រូចជាបន្ទះក្រាស់ៗ។ ចំណាំ៖ លាងក្រឡកែវសិនមុននឹងអ្នកប្រើប្រាស់វា។
-ជំហានទី៣ ដាក់គ្រឿងផ្សំទាំងអស់ចូលទៅក្នុងក្រឡ ក្នុងស្រទាប់ក្រូចនីមួយៗត្រូវចាក់ទឹកឃ្មុំ និងបន្ទាប់មកទៀតដាក់អំបិលចូល។ ធ្វើបែបនេះរហូតដល់អស់។
-ជំហានទី៤ អ្នកត្រូវប្រើសង្កត់វាឱ្យណែនល្អ ដូចនេះក្រូចនឹងមិនអណ្តែតឡើងលើ។
-ជំហានទី៥ ចុងបញ្ចប់គ្របគំរបក្រឡឱ្យជិត រក្សាទុកនៅកន្លែងស្ងួត ត្រជាក់ ក្រោយរយៈពេល 1ខែអាចប្រើបាន។
*របៀបប្រើប្រាស់៖
-អ្នកគ្រាន់តែត្រូវដួសទឹកក្រូចត្រាំខាងលើ 3-5ស្លាបព្រាបាយដាក់ចូលក្នុងទឹកក្តៅអ៊ុនៗចំណុះ 150មីលីលីត្រ អ្នកនឹងទទួលបានភេសជ្ជៈដ៏ឆ្ងាញ់ និងសម្បូរជីវជាតិ។
-ទទួលទានភេសជ្ជៈនេះជារៀងរាល់ព្រឹកក្រោយពេលភ្ញាក់ពីគេង។ ឬអាចលាយជាមួយទឹកផឹកពេលណាដែលអ្នកស្រេក។ *សម្គាល់ បើសិនអ្នកចង់ដាក់ទឹកកកអាចដាក់បាន។ តែចំពោះករណីអ្នកក្អក ផ្តាសាយ ឈឺក គួរញ៉ាំទាំងក្តៅអ៊ុនៗ។
បន្តប្រើរូបមន្តមួយនេះរយៈពេលប្រហែល 2សប្តាហ៍ វានឹងជួយសម្រកខ្លាញ់បានយ៉ាងល្អ។ ហើយទម្ងន់របស់អ្នកនឹងស្រកបានពី 5-10គីឡូក្នុងរយៈ ៕
