ភ្នំពេញ៖ សិស្សផ្នែកចុងភៅរបស់កម្ពុជាចំនួន ២រូប ទទួលបានមេដាយប្រាក់ និងសំរិទ្ធក្នុងការប្រកួតចម្អិនម្ហូបអាហារអាស៊ាន-ចិន ឆ្នាំ២០១៩ នៅខេត្តណាននីង សាធារណរដ្ឋប្រជាមានិតចិន។

យោងតាមក្រសួងទេសចរណ៍បានឲ្យដឹងថា ការចូលរួមប្រកួត និងការទទួលមេដាយក្នុងកម្មវិធីប្រកួតចំអិនម្ហូបអាហារអាស៊ាន ចិន ឆ្នាំ២០១៩ នេះ ធ្វើឡើងតាមរយៈការរៀបចំរបស់ក្រសួងទេសចរណ៍ ដែលមាននាយក ដ្ឋានបណ្តុះបណ្តាលជំនាញវិជ្ជាជីវៈទេសចរណ៍ សហការជាមួយសាលាទេសចរណ៍ និងសណ្ឋារកិច្ចប៉ូលឌុយប្រ៊ូល។

https://1.bp.blogspot.com/-fANYA0GodY8/XYhBSEQoEjI/AAAAAAAAOf0/Xzu6lPQGPtEpdUFNxOmXV4vWwcqgd66BgCLcBGAsYHQ/s1600/photo_2019-09-23_10-21-38.jpg

កម្មវិធីនេះត្រូវបានប្រព្រឹត្តទៅចាប់ពីថ្ងៃ១៩-២១ ខែកញ្ញា ឆ្នាំ២០១៩ ក្នុងនោះមានការចូលរួមពីសំណាក់សិស្សកម្ពុជា ថៃ វៀតណាម តៃវ៉ាន់ និងហុងកុង ដើម្បីប្រកួតជាក្រុមលើវិញ្ញាសារចំនួន ៣ រួមមាន៖ វិញ្ញាសារម្ហូបអាស៊ី វិញ្ញាសារម្ហូបអឺរ៉ុប និងវិញ្ញាសារម្ហូបកែច្នៃ សម្រាប់បេក្ខភាពជ្រើសរើសសម្រាប់ការប្រកួត។

https://1.bp.blogspot.com/-PCeOW8xNnFg/XYhBSDmcEzI/AAAAAAAAOf8/vlCZcVkKZTgAVP25G6sVugrWi7oosUy3gCLcBGAsYHQ/s1600/photo_2019-09-23_10-21-39%2B%25282%2529.jpg

ជាលទ្ធផលនៅក្នុងព្រឹត្តិការណ៍ប្រកួតចម្អិនម្ហូបអាហារអាស៊ាន-ចិន ឆ្នាំ២០១៩ បេក្ខជន ២រូប របស់កម្ពុជាដែលបានជ្រើសរើសយកវិញ្ញាសារម្ហូបអឺរ៉ុបទទួលបានមេដាយចំនួន ២ ក្នុងនោះរួមមាន៖ លោក ង៉ៃ សុខហេង ទទួលបានមេដាយប្រាក់ និងលោក ឡាំ រិទ្ធី ទទួលបានមេដាយសំរឹទ្ធ។

ការទទួលបាននូវជ័យលាភីមេដាយនេះ គឺពិតជាបង្ហាញពីសមត្ថភាព និងជំនាញក្នុងចំអិនម្ហូបរបស់សិស្ស និងអ្នកជំនាញចុងភៅរបស់កម្ពុជា ក្នុងការជំរុញលើកកម្ពស់គុណភាព និងសេវាកម្មម្ហូបអាហារដែលជាការចូលរួមគាំទ្រដល់ការអភិវឌ្ឍវិស័យម្ហូបអាហារ (Gastronomy) សម្រាប់ទទួលភ្ញៀវទេសចរដែលមកកម្សាន្តនៅកម្ពុជា៕

https://1.bp.blogspot.com/-iy-daGqcDmk/XYhBSLeK8kI/AAAAAAAAOf4/Ll1-4MvGpsQC9A5nmiaZ2ZnZwEwylCRmACLcBGAsYHQ/s1600/photo_2019-09-23_10-21-39.jpg