ស្បែកជើងអេស្កាប៉ាំង ឬក៏ស្បែកជើងកែងចោត គឺជាប្រភេទស្បែកជើងដែលជាទីពេញនិយមបំផុត សម្រាប់មិត្តៗសុភាពនារីគ្រប់រូប ។ ទទួលស្គាល់ថាការពាក់ស្បែកជើងកែង ពិតជាស្រស់ស្អាត ស៊ីវិល័យ ក៏ពិតមែនប៉ុន្តែជាទូទៅនៅពីក្រោយការស្អាតវាតែងតែមានភាពឈឺចាប់ជានិច្ច។
មានមិត្តនារីជាច្រើន បានត្អូញត្អែរពីផលវិបាកក្រោយពេលដែរពាក់ស្បែកជើងកែងថា កាលណាពាក់វារាល់ថ្ងៃ ឬយូរៗម្ដងមិនអាចចៀសផុតពីការឈឺចាប់ និងរបួសខ្លះៗ ត្រង់ម្រាមជើង និងកែងជើង។ ដូចនេះដើម្បីបញ្ចៀសពីបញ្ហាទាំងអស់នេះ ក្រុមការងារពួកយើងនឹង ណែនាំពីតិចនិកខ្លះដើម្បីយកទៅអនុវត្តន៏។
១- បិទកែងជើង
ជាធម្មតាស្បែកជើងម៉ាកល្បីកម្រិតណាក៏ដោយ ពេលពាក់យូរទៅនឹងឈឺចាប់ដូចគ្នា ព្រោះស្បែកត្រង់កន្លែងកែង ប៉ះគ្នានឹងស្បែកជើងពេលយើងធ្វើចលនា។ ដូចនេះគួរតែយកស្កុតថ្លាបិទនៅកែងជើងជាមុន ដើម្បីកុំឲ្យរលាត់ស្បែករហូតក្លាយជាដំបៅឈឺចាប់។
២- យកស្កុតបិទម្រាមជើង
យុវតីមានស្រុកកំណើតនៅទីក្រុងភ្នំពេញ ក៏បានបន្តថា ម្រាមជើងដែលទទួលរងភាពឈឺចាប់មានពីរម្រាម គឺម្រាមកណ្ដាល និងម្រាមនាងជើង។ ម្រាមជើងពីរនេះ ពេលពាក់ស្បែកជើងវាពយឡើងមកលើជាងគេ ដូចនេះបើមិនមានការប្រុងប្រយ័ត្ន ប្រាកដជាពាក់មិនបានយូរឡើយ។
៣- អេប៉ុងកល់ខាងមុខ
អ្នកលក់នៅផ្សារធំថ្មីរូបនេះ បានបញ្ជាក់ទៀតថា ស្បែកជើងកែងអេស្កាប៉ាំងមានសភាពស្រួចបិតជិតខាងមុខ ដូចនេះវាអាចត្បៀតមេជើងធ្វើឲ្យហើម ហើយអាចបណ្ដាលឲ្យឈឺចាប់ក្រចកមេជើងនេះឯង។ វិធីល្អគួរតែកាត់អេប៉ុងចោះជារាងរង្វង់ជើង ដាក់ក្នុងស្បែកជើង ហើយពេលយើងពាក់ទៅមានអារម្មណ៍ល្អ គ្មានការកកិត និងកៀប។
៤- ស្បែកជើងចង្អៀត
ប្រសិនបើយើងស្រលាញ់ និងចង់ពាក់ស្បែកជើងនោះទាំងចង្អៀតវាប្រាកដជាឈឺជើងមិនខាន។ យើងនៅតែអាចពាក់ស្បែកជើងនោះដដែល ដោយមិនមានការឈឺចាប់អ្វីទាំងអស់ ដោយដំបូងគ្រាន់តែពាក់ស្រោមជើង ហើយទៅស៊កស្បែកជើងចង្អៀតនោះ រួចយកម៉ាស៊ីនផ្លុំសក់មកផ្លុំដោយប្រើខ្យល់មានកម្ដៅ ដើម្បីឲ្យជ័រស្បែកជើងរីកមាឌ។ បន្ទាប់មកដោះស្រោមជើងចេញ ហើយអាចពាក់បានធម្មតា ៕