ភ្នំពេញ៖ មជ្ឈមណ្ឌលជាតិគ្រប់គ្រងកងកម្លាំងរក្សាសន្តិភាព បោសសម្អាតមីន និងកាកសំណល់សង្គ្រាមនឹងរៀបចំពិធីកម្ទេចគ្រាប់ខូចគុណភាពចោល ចំនួន២៥០តោនចាប់ពីថ្ងៃទី១០ ខែកញ្ញា ដល់ថ្ងៃទី៣១ ខែតុលា ឆ្នាំ២០១៩។នេះ បើ យោងតាម សេចក្តីប្រកាស ព័ត៌មាន របស់ មជ្ឈមណ្ឌល ជាតិ គ្រប់គ្រង កងកម្លាំង រក្សា សន្តិភាព បោសសំអាត មីន និង កាកសំណល់ សង្គ្រាម ។
គ្រាប់ខូចគុណភាព ចំនួន២៥០តោននេះ អាចប្រឈមនឹងហានិភ័យខ្ពស់ ដូច្នេះ ដើម្បីធានានូវសុវត្ថិភាពឲ្យប្រជាជន និងទប់ស្កាត់បានទាន់ពេលវេលារាល់ គ្រោះថ្នាក់ដែលអាចកើតមានឡើងដោយជាយថាហេតុ ទើបធ្វើការកម្ទេច ចោល ។
មជ្ឈមណ្ឌលជាតិ ក៏បានជូនដំណឹងដល់អាជ្ញាធរដែនដី ក៏ដូចជាប្រជាជន ទាំងអស់ដែលកំពុងរស់នៅ ក្នុងនិងជុំវិញតំបន់ក្បែរសាលាហ្វឹកហ្វឺន កងកម្លាំងរក្សាសន្តិភាពពហុជាតិ ឃុំមហាសាំង ស្រុកភ្នំស្រួច ខេត្តកំពង់ស្ពឺ កុំមានការ ភ្ញាក់ផ្អើល ហើយកម្មវិធី កម្ទេចនេះប្រព្រឹត្តទៅ នៅសាលាហ្វឹកហ្វឺនកងកម្លាំងរក្សាសន្តិភាព ឃុំមហាសាំង ស្រុកភ្នំស្រួច ខេត្តកំពង់ស្ពឺ៕
