រាកមួល គឺជាជម្ងឺម្យ៉ាងដែលបណ្ដាល មកពីមេរោគជាច្រើនយ៉ាង ដែលហៅថា“អាមីប”។ ជម្ងឺនេះបណ្ដាលមកពីលាមកមានឈាមឬមានសម្បោរ ហើយបន្ទោរបង់ញឹកញាប់ពី៤ទៅ៦ដង ធ្វើឱ្យអ្នកជម្ងឺមានសភាពហេវហត់ អស់កម្លាំងជាខ្លាំង។ ជម្ងឺរាកមួលបណ្ដាលមកពីការទទួលទានអាហារមិនមានអនាម័យ ដូចជាទឹក ចំណីអាហារមិនស្អាតជាដើម។ ចំណីអាហារខ្វះអនាម័យមានវត្ដមានអាមីប ហើយអាមីបជាដើមហេតុបង្កឱ្យមានជម្ងឺរាកមួល ដោយសារតែលោកអ្នកបរិភោគចូលទៅនូវមេរោគនេះ ដោយឆ្លងកាត់តាមពោះវៀន ជាពិសេសពោះវៀនធំ ហើយក៏សម្ងំនៅទីនោះរយៈពេលពី២ទៅ៣សប្ដាហ៍ ទើបបង្ហាញនូវរោគសញ្ញា។
ប៉ុន្តែសូមកុំបារម្ភទៀតអី បើបងប្អូនបានព្យាយាមទៅពិនិត្យព្យាបាលជាមួយគ្រូពេទ្យរួចមកហើយ ប៉ុន្តែនៅតែមិនទទួលបានភាពធូរស្បើយ បងប្អូនអាចសាកល្បងនូវវិធីសាស្រ្ដថ្មី ដូចខាងក្រោម៖
*សម្ភារត្រូវមាន៖
-សំបកមង្ឃុតស្ងួត
-កាំបិត និងជ្រុញសំរាប់ចិញ្ច្រាំ។
*វិធីធ្វើ
និងវិធីប្រើប្រាស់៖
-សំបកផ្លែមង្ឃុតស្ងួត ពី២០-៣០ ក្រាម យកទៅចិញ្រ្ចាំឲ្យម៉ដ្ឋល្អ
-បន្ទាប់ពីចិញ្ច្រាំហើយយកទៅហាលវាឲ្យស្ងួត
-យកសំបកពី១០-២០ក្រាម ដាំផឹកក្នុងមួយថ្ងៃ។
សូមបញ្ជាក់ថា វិធីនេះបងប្អូនអាចយកទៅសាកល្បងអនុវត្តន៏ព្យាបាលបាន លុះត្រាតែបងប្អូនបានពិនិត្យ និងព្យាបាលជាមួយគ្រូពេទ្យអស់លទ្ធភាពជាមុនសិន ដើម្បីចៀសវាងមានការប៉ះពាល់ដល់សុខភាពនៅថ្ងៃក្រោយ ហើយម្យ៉ាងទៀតបងប្អូនត្រូវតែ ធ្វើអនាម័យឱ្យបានគ្រប់ពេលវេលា ជាពិសេសចំពោះការ ទទួលទានផ្សេងៗត្រូវប្រុងប្រយ័ត្ន ៕