រាជធានីភ្នំពេញ ៖ គ្រោះថ្នាក់ចរាចរណ៍មួយរវាងម៉ូតូ២គ្រឿង បុកគ្នាពេញទំហឹង បណ្ដាលឲ្យបុរសម្នាក់ស្លាប់គួឲ្យសង្វេគ ប៉ុន្តែអ្វីដែលគួរឲ្យហួសចិត្តនោះ គឺមានរថយន្ត៣គ្រឿង មកឈ្លោះគ្នាដណើមដឹកសពទៅវិញ ។
សូមជម្រាបថា ប្តីបើកម៉ូតូបុកគ្នាស្លាប់… ប្រពន្ធមកដល់ទ្រហោយំដាស់ប្តីក្រោកឡើង… យ៉ាងសង្វេគ
បើតាមប្រភពព័ត៌មានពីប្រជាពលរដ្ឋ ឃើញហេតុការណ៍នេះ បានឲ្យដឹងថា ក្រោយកើតហេតុគ្រោះថ្នាក់ចរាចរណ៍ភាគីម្ខាងទៀត បាននាំគ្នារត់គេចខ្លួនចេញពីកន្លែងកើតហេតុបាត់ស្រមោល ភ្លាមៗនោះ ប្រជាពលរដ្ឋបានរាយការណ៍ទៅសមត្ថកិច្ចមូលដ្ឋាន បានចុះមកកន្លែងកើតហេតុ រួចសមត្ថកិច្ចទំនាក់ទំងទៅសមត្ថកិច្ចជំនាញ ក៏ដូចសាច់ញាតិជនរងគ្រោះផងដែរ ។
បន្ទាប់ពីសាច់ញាតិជនរងគ្រោះមកដល់ បាននាំគ្នាទ្រហោយំបោកប្រាណ ខណៈឃើញសមាជិកក្នុងគ្រួសារបានបាត់ជីវិតគួរឲ្យសង្វេគ ។ អ្វីគួរឲ្យហួសចិត្តនោះ គឺមានរថយន្តដឹកសពចំនួន៣គ្រឿង (មិនស្គាល់ថាជារថយន្តសង្គ្រោះខាងណាឡើយ) ដែលមានវត្តមាននៅចំណុចទីតាំងកើតហេតុ បានធ្វើអោយអ្នកបើកបររថយន្តសង្គ្រោះទាំងនោះឈ្លោះប្រកែកគ្នាដណ្តើមយកសពថែមទៀតទំនងព្រោះតែផលប្រយោជន៍! ខណៈសាច់ញាតិកំពុងយំឱបសពគួរឲ្យសង្វេគ ធ្វើឲ្យប្រជាពលរដ្ឋនៅចោមរោមមើលកន្លែងហេតុ បានរិះគន់គ្រប់គ្នាៗ ។
ក្រោយកើតហេតុ សមត្ថកិច្ចជំនាញបានធ្វើកាវាស់វែង យកម៉ូតូទាំងពីរគ្រឿងទៅរក្សាទុកនៅការិយាល័យចរាចរណ៍ផ្លូវគោករាជធានីភ្នំពេញ រង់ចាំដោះស្រាយគ្នាតាមផ្លូវច្បាប់ ។ ដោយឡែកសពជនរងគ្រោះសមត្ថកិច្ចធ្វើកំណត់ហេតុប្រគល់ជូនសាច់ញាតិយកទៅធ្វើបុណ្យនៅស្រុកកំណើតតាមប្រពៃណី ៕
