ជំងឺរលាកក្រពះ បង្កឡើងបាក់តេរី ជំងឺរលាកក្រពះដោយសារការច្រាលទឹកក្រពះឡើងមកលើ ដោយសារការទទួលទានថ្នាំបំបាត់ការឈឺចាប់ បរិភោគចំណីអាហារមិនទៀតពេល និងមានរសជាតិហិរខ្លាំង មេរោគរបេង និងពពួកវីរ៉ុស លើបុគ្គលដែលមានប្រព័ន្ធការពារខ្លួនចុះខ្សោយ។ ជំងឺរ៉ាំរ៉ៃមួយចំនួន ដូចជាជំងឺក្រូន ជំងឺសាក់កូអ៊ុយដូ និងការស្ទះសរសៃឈាម ព្រមទាំងពពួកប៉ារ៉ាស៊ីតពពួកព្រូនមួយចំនួន ក៏អាចជាភ្នាក់ងារបង្កឱ្យមានជំងឺរលាកក្រពះដែរ។
មានបងប្រុសម្នាក់បានចែករំលែកឲ្យដឹងថា កាលខ្ញុំរលាកក្រពះ ខ្ញុំអោយភរិយាខ្ញុំបុកក្បាលរមៀត ហើយពួតយកទឹក ចម្រាញ់យកតែទឹកវា។ ផលប្រយោជន៍ខ្លាំងចម្បងគឺ រោគរលាកក្រះ មហារីកផ្សេងៗ មិនអាចកើតមាន ជាពិសេស សំរាប់បុរសចំពោះមហារីកក្រពេញប្រូស្តាត សំរាប់ស្រ្តី លេខមួយ គឺស្បែកស្អាត និងគ្មានកោសិការមហារីកមកនៅក្បែរ ។
*តម្រូវការរួមមាន៖
– ក្បាលរមៀត ៥គីឡូ (មិនមែនដៃរមៀត)
– ត្បាល់បុក
– កូនកាំបិត
– ស្រោមដៃ
– សំបកដបទឹកសុទ្ធ
ចំណាំៈ ត្រូវប្រាកដថាជារមៀតធម្មជាតិសុទ្ធ ហាមទិញរមៀតនាំចូលពីប្រទេសជិតខាង ពីព្រោះអាចប្រើថ្នាំគីមីហួសកម្រិត ។ ចូរទិញរមៀតកសិករខ្មែរយើង ។
*របៀបធ្វើ៖
– ចិតសំបកក្បាលរមៀតអោយស្អាត
– លាងទឹកអោយស្អាត
– ចិតចំណិតតូចៗ ហើយបុកអោយម៉ដ្ឋ (ហាម លាយទឹក)
– ពួតយកទឹក
– ចំរោះយកកាកចេញ ហើយច្រកទឹកវាក្នុងដបទឹកសុទ្ធ
*របៀបទទួលទាន៖
- មួយថ្ងៃ មួយដង ពេលព្រឹក ពិសាមុនបាយ
ក្រឡុកទឹករមៀតបន្តិចមុនពេលចាក់ពិសា ពីព្រោះកំណកម្សៅរមៀតនៅខាងបាតដបជាឱសថពិសេស
– ចាក់ចូលកែវ លាយអំបិលបន្តិច (ហាមលាយស្ករ) កូរឲ្យសព្វហើយពិសា។
*ចំណាំៈ
– ពេលពិសាហើយ ហាមហូបទឹក
– ត្រូវពិសាមុនអាហារពេលព្រឹក ៣០នាទី ១ថ្ងៃតែ១ពែងនេះទេ ហូបរយៈពេល១អាទិត្យ។
*ការរក្សាទុក៖
– ដាក់នៅកន្លែងដែលមិនត្រូវពន្លឺ និងកំដៅថ្ងៃអាចឲ្យវាខូចគុណភាព
– ដាក់អោយឆ្ងាយពីដៃក្មេង
*អាការៈក្រោយពេលទទួលទាន៖
– ចង់ក្អួត តែត្រូវព្យាយាមកុំឲ្យក្អួត
– ភ្នែករាងលឿងបន្តិច តែមិនជាបញ្ហាចោទ
– នោមរាងលឿងបន្តិច វាជារឿងធម្មតា។
ជំងឺនេះស្ដាប់ទៅដូចជាស្រាល តែបើតាមពិតទៅបើយើងមិនយកចិត្តទុកដាក់ព្យាបាលវាឲ្យ ទាន់ពេលនោះទេវាអាចឈានទៅដល់ការរលាកក្រពះរ៉ាំរ៉ៃ។ ហើយម្យ៉ាងទៀតមិនមែនសុទ្ធតែទទួលយកការព្យាបាលហើយសុទ្ធតែជានោះទេ គឺវាអាស្រ័យនៅលើប្រព័ន្ធភាពស៊ាំរបស់មនុស្សម្នាក់ៗ និងការកែប្រែរបៀបរបរក្នុងការរស់នៅ ហូបចុក។
វិធីនេះបងប្អូនអាចសាកល្បងអនុវត្តន៏ធ្វើទៅបាន លុះត្រាតែបងប្អូនបានទទួលព្យាបាលជាមួយគ្រូពេទ្យអស់លទ្ធភាពហើយនៅតែមិនធូរស្បើយ សឹមបងប្អូនអនុវត្តន៏វិធីនេះព្រោះវិធីនេះគឺជាជម្រើសចុងក្រោយតែប៉ុណ្ណោះ ៕
