ឬសដូងបាត ជាបណ្ដាញសរសៃឈាមតូចៗ ជាអាកទែរ និងវ៉ែនដែលប្រទាក់ក្រឡាគ្នា ដែលបង្កើតជាបណ្ដាញសរសៃ នៅក្នុងបាត(ទ្វារលាមក) វាជារឿងធម្មតាដែលមនុស្សគ្រប់គ្នាតែងតែមាន។ នៅពេល បណ្ដាញសរសៃឈាម នៅបាត (ក្រសាល់គូថ) រីកធំ មានរោគសញ្ញាធ្លាក់ ឈាម និងការស្រុតចុះនៃសាច់សរសៃឈាម ពេលខ្លះអាចលៀនចេញមកក្រៅផង ពោលគឺនៅពេលក្រសាល់នេះចាប់ផ្តើមឈឺ ទើបហៅថា ជំងឺឬសដូងបាត។ ជំងឺនេះមានទៅតាមកម្រិតវានីមួយៗ ដែលទាំងអស់មាន៤កម្រិត ប្រសិនបើយើងមិនទទួលយកការព្យាបាលឲ្យទាន់ពេលនោះទេវា នឹងអាចក្លាយជាជំងឺរ៉ាំរ៉ៃជាក់ជាមិនខាន ឈានទៅដល់ការវះកាត់ទៀតផង។
ប៉ុន្តែសូមកុំបារម្ភទៀតអី បើបងប្អូនបានព្យាយាមទៅព្យាបាលនៅឯមន្ទីរពេទ្យ ក៏ដូចជារិះរកគ្រប់មធ្យោបាយ ប៉ុន្តែនៅតែមិនបានធូរស្បើយ ថ្មីៗនេះគេបានរកឃើញនូវរូបមន្ដធម្មជាតិថ្មី ២ប្រភេទដែលអាចជួយព្យាបាលជំងឺឬសដូងបាតយ៉ាងស័ក្ដិសិទ្ធ។
*វិធីទី១
-បកសំបកប្រទាលកន្ទុយក្រពើ
-កោសយកតែចាហួយក្នុង (គួរកិននឹងម៉ាស៊ីនទឹកក្រឡុក ដើម្បីឱ្យរាវ ងាយស្រួលបូម)
-យកសឺរ៉ាំងលេខធំបំផុត បូមទឹកសាច់ប្រទាលកន្ទុយក្រពើ
-គប្បីមានទុយោ ដែលប្រើសម្រាប់សុងនោម (ដូចបង្ហាញក្នុងរូប) មកកាត់កន្ទុយចោល ហើយផ្នែកក្បាលដែលមានក្បាល២ កាត់១ចេញ ដោយលៃឱ្យល្មមនឹងរន្ធសឺរ៉ាំង (មានរូប)
*ការប្រើប្រាស់
-យក gel (ជែល) ដែលមានសារជាតិរំអិល លាបចុងទុយោ និងមាត់ទ្វារធំ(កន្លែងដែលត្រូវបាញ់បញ្ចូល)
-រុញទុយោនោះចូល សឹមភ្ជាប់សឺរ៉ាំងតាមក្រោយ (អាចរុញចូលរាក់ ឬជ្រៅតាមកន្លែងដែលចេញឈាម ឬសសៃប៉ោង)
-បាញ់បញ្ចូលក្នុងទ្វារធំ ជាការស្រេច។
-ធ្វើដូច្នេះ ២ ឬ ៣ដងក្នុង១ថ្ងៃ ម្តង១សឺរ៉ាំង
-រយៈពេល២-៣ថ្ងៃអ្នកនឹងបានស្បើយ។
*វិធីទី២
-លាងមើមឆៃថាវ ១ឬ២មើម ឱ្យស្អាត
-កាត់ក្បាលចោលបុក ឬក្រឡុកអោយម៉ដ្ឋ
-ច្របាច់យកទឹក ១ស្លាបព្រាបាយ លាយជាមួយទឹកឃ្មុំ ១ស្លាបព្រាបាយ (សម្រាប់ការហូបម្តង)
-កូរឱ្យសព្វចូលគ្នា
*ការប្រើប្រាស់
-ហូបមុនពេលចូលគេង
-សម្រាប់អ្នកដែលទើបនឹងកើតជំងឺនេះ អាចហូប១ថ្ងៃ ១ដង ប៉ុន្តែអ្នកដែលកើតជំងឺនេះយូរហើយ ត្រូវផឹក ១ថ្ងៃ ៣ដង គឺពេលព្រឹក ថ្ងៃ និងល្ងាច រាល់ថ្ងៃ។ រយៈពេល ១អាទិត្យ នឹងឃើញប្រសិទ្ធភាព។ សូមកុំហូបទឹកតាមក្រោយ បើពិបាកទ្រាំខ្លាំងអាចផឹកមួយក្អឹកបានហើយ ៕
