បូស ឬអាប់សែ ជាប្រភេទជំងឺដែលអាចកើតឡើងស្ទើរគ្រប់កន្លែងនៅលើខ្លួនរបស់យើង មិនលើកលែងសូម្បីប្រដាប់ភេទ។ មេរោគនេះកើតឡើងនៅពេលដែលមេរោគចូលទៅក្នុងខ្លួនតាមរយៈរបួសបើកមុខ។ អ្នកដែលកើតបូសនេះច្រើនតែមានរោគសញ្ញា ស្នាមឆូតក្រហមនៅក្បែរបូសនោះ មានអារម្មណ៍ក្តៅឧណ្ហៗ និងឈឺចាប់ខ្លាំងពេលប៉ះ។ ករណីដែលមានបញ្ហានេះ យកល្អគួរតែកុំញិចវា រុញ ច្របាច់ ឬប៉ះពាល់ឲ្យសោះ។
ថ្មីៗនេះតាមការស្រាវជ្រាវរបស់អ្នកឱសថបុរាណធម្មជាតិខ្មែរ បានរកឃើញនូវវិធីព្យាបាលជំងឺបូសយ៉ាងសាមញ្ញ តាមរយៈការយកស្លឹកស្ដៅមកព្យាបាល ដែលវិធីត្រូវបានគេសាកល្បងយកមកអនុវត្តន៏ប្រកបដោយប្រសិទ្ធភាព គ្មានប៉ះពាល់អ្វីឡើយ។
+គ្រឿងផ្សំ
-ស្លឹកស្តៅ
+វិធីប្រើ
-គ្រាន់តែយកស្លឹកស្តៅ២ទៅ៣សន្លឹកកិនឲ្យម៉ត់
ជាមួយទឹក ហើយយកល្បាយនេះ មកបិទលើបូស រក្សាវាទុក១៥ទៅ២០នាទី
-រួចលាងជម្រះចេញជាមួយនឹងទឹកស្អាត
-ប្រសិនបើអ្នកមិនអាចរកស្លឹកស្តៅស្រស់បានទេ
អ្នកអាចប្រើប្រេងស្លឹកស្តៅជំនួសក៏បាន ដោយយកប្រេងស្លឹកស្តៅ
២ទៅ៣ដំណក់ លាយជាមួយប្រេងអូលីវមួយស្លាបព្រា ហើយលាបលើបរិវេណមានបូស
សូមបញ្ជក់ឲ្យកាន់តែច្បាស់ថា ដើម្បីទទួលបានប្រសិទ្ធភាពលឿន គួរតែអនុវត្តវិធីនេះរាល់ពេល២ទៅ៣ម៉ោងម្តង ហើយការប្រើប្រាស់ស្លឹកស្ដៅគួរតែជ្រើសរើសស្លឹកស្ដៅណា ធម្មជាតិគ្មានជាតិគីមី គឺរឹតតែល្អ ៕
