ត្បូងឃ្មុំ៖ ស្ត្រីវ័យចំណាស់ម្នាក់ មានឈ្មោះ ហ៊ុ សុខ អាយុ៥៩ឆ្នាំ មានមុខរបរជាកសិករ បច្ចុប្បន្នជាប្រជាពលរដ្ឋរស់នៅភូមិជ័យសម្បត្តិ ឃុំតំបែរ ស្រុកតំបែរ ខេត្តត្បូងឃ្មុំ មានសំណាងបានឈ្នះរង្វាន់ ១០០លានរៀល ពីតែបៃតង អ៊ីឈីតាន់ ។ 

នៅចំពោះមុខ ក្រុមការងារដែលបានចុះប្រគល់រង្វាន់ធំដល់លំនៅដ្ឋានស្ថិតនៅភូមិសាស្ត្រខាងលើនេះ អ្នកស្រី ហ៊ុ សុខ បានរៀបរាប់ប្រាប់ឱ្យដឹងថា ៖ បើនិយាយពីកម្រិតជីវភាពគ្រួសារនៅពេលបច្ចុប្បន្ននេះ គឺមិនសូវជាធូរធានោះទេ ព្រោះគ្មានមុខរបរអ្វីក្រៅពីធ្វើស្រែ និងមានចំការកៅស៊ូត្រឹម ១ហិកតាតែប៉ុណ្ណោះ សម្រាប់ទ្រង់ទ្រង់ជីវភាពប្រចាំថ្ងៃ។ អ្នកស្រីបានបន្តឱ្យដឹងថែមទៀតថា ជាទម្លាប់ អ្នកស្រីតែងទទួលទានតែបៃតង អ៊ីឈីតាន់ ព្រោះមានរសជាតិឆ្ងាញ់ ជាពិសេសមុនពេលចេញទៅស្រែ ឬចេញទៅចំការ គឺតែងយកជាប់ខ្លួនជានិច្ច ទុកសម្រាប់ទទួលទាននៅពេលស្រេកទឹក និងអស់កម្លាំង។

 ដោយឡែក កាលពីចុងសប្ដាហ៍កន្លងទៅនេះ នៅពេលសម្រាកពីធ្វើការងារផ្ទះរួច អ្នកស្រីទៅលេងផ្ទះកូនស្រីដែលជាអាជីវករលក់ដូរក្បែរផ្ទះ ហើយក៏ទិញតែបៃតង អ៊ីឈីតាន់ រសជាតិក្រូចឆ្មារទឹកឃ្មុំ ១ ដបមកទទួលទាន លុះពេលមួលគម្របដបក៏ស្រាប់តែឃើញមានរង្វាន់ ១០០លានរៀលតែម្ដង។ ភ្លាមនោះ អ្នកស្រីហាក់មិនទាន់ជឿនោះទេ ហើយក៏ហៅកូនស្រី និងញាតិជិតខាងឱ្យជួយពិនិត្យ ទើបដឹងថាឈ្នះរង្វាន់១០០លានរៀលពិតប្រាកដមែន ហើយក៏ទូរស័ព្ទជូនដំណឹងដល់ក្រុមហ៊ុនតាមរយៈលេខទូរស័ព្ទដែលមានស្រាប់នៅនឹងគម្របដប។ អ្នកស្រីបានបញ្ជាក់ថា ចំពោះទឹកប្រាក់រង្វាន់១០០លាន់រៀលនេះគឺមានសារសំខាន់ខ្លាំងណាស់សម្រា់គ្រួសារ ហើយក្រោយពីទទួលបានលុយរង្វាន់ ១០០ លានរៀលនេះ អ្នកស្រីនឹងយកមួយចំនួនសង់បំណុលគេ ហើយទុកមួយចំនួនទៀតសង់ផ្ទះឱ្យបានសមរម្យសម្រាប់រស់នៅទៅថ្ងៃអនាគត។

គួរបញ្ជាក់ផងដែរថា សម្រាប់រដូវកាលទី៣ ឆ្នាំ២០១៩ នេះ ក្រុមហ៊ុន តែបៃតង អ៊ីឈីតាន់ បានបង្កើនរង្វាន់ធំនូវចំនួនទឹកប្រាក់ ១០០ លានរៀល រហូតដល់ ៧០ រង្វាន់, ម៉ូតូ Scoopy i ចំនួន ៧០រង្វាន់ , ទូរស័ព្ទ iphone Xs ចំនួន ៧០រង្វាន់ រួមជាមួយនឹងរង្វាន់ Free តែបៃតងអ៊ីឈីតាន់ រាប់លានរង្វាន់ទៀត។ រួសរាន់ឡើង អ្នកដែលមានសំណាងបានក្លាយជាសេដ្ឋីបន្ទាប់អាចជារូបអ្នក ៕