រាជធានីភ្នំពេញ ៖ នៅព្រឹកថ្ងៃទី០៨ ខែសីហា ឆ្នាំ២០១៩នេះ រូបសំណាកនាងគង្ហីង ត្រូវបានរដ្ឋបាលរាជធានីភ្នំពេញ រៀបចំពិធីក្រុងពាលី បានរំកិលនិងតម្លើងឡើងជាថ្មី ។
ដោយមើលឃើញបញ្ហាចរាចរណ៍ នៅម្តុំភ្លើងស្តុបនាងគង្ហីងមានការមមាញឹកនោះ រដ្ឋបាលរាជធានីភ្នំពេញបានសម្រេចធ្វើការរំកិលរូបសំណាក់នាងគង្ហីងពីកន្លែងចាស់នៅក្បែរវត្តព្រះពុទ្ធទៅដាក់នៅចំណុចសួនមុខស្ថានីយប្រេងឥន្ធនៈតូតាល់វិញ ដើម្បីលើកកម្ពស់សោភ័ណ្ឌភាពរូបសំណាក និង លើករូបសំណាកឱ្យខ្ពស់ជាងកន្លែងចាស់ ។
សូមរម្លឹកថា កាលពីថ្ងៃទី១០ ខែមករា ឆ្នាំ២០១៩ បើយោងតាមទំព័រហ្វេសប៊ុករបស់រដ្ឋបាលរាជធានីភ្នំពេញបានឱ្យដឹងថា ឯកឧត្តម ឃួង ស្រេង អភិបាល នៃគណៈអភិបាលរាជធានីភ្នំពេញ បានអញ្ជើញចុះពិនិត្យស្ថានភាពចរាចណ៍ជាក់ស្ដែងនៅចំណុចភ្លើងស្ដុបនាងគង្ហីង ។ ដោយឃើញពីលំហូរចរាចរណ៍ នៅតំបន់នោះមានភាពមមាញឹកខ្លាំងនោះ រដ្ឋបាលរាជធានីភ្នំពេញបានសម្រេចរំកិលរូបសំណាក់នាងគង្ហីងពីកន្លែងចាស់ ទៅដាក់នៅចំណុចសួនមុខស្ថានីយប្រេងឥន្ធនៈតូតាល់វិញ ដើម្បីលើកកម្ពស់សោភ័ណ្ឌភាពរូបសំណាក់ និងលើករូបសំណាក់ឱ្យខ្ពស់ជាងកន្លែងចាស់ និងធ្វើការកែលំអលំហូរផ្លូវបត់ស្តាំនៅត្រង់ចំណុចផ្លូវប្រសព្វរវាងវិថីទេពផន(១៨២) កែងមហាវិថីព្រះមុនីរ៉េត(២១៧) ស្របពេលការដ្ឋានស្ពានថ្មើរជើងនាងគង្ហីង ដែលសម្រេចបាន១០០%ហើយនោះ ៕