ផ្លែស្រ្ដបឺរី ជាផ្លែឈើដែលគេពេញនិយមបរិភោគបំផុតនៅទូទាំងពិភពលោក ហើយវាប្រភេទផ្លែឈើដែលរស់នៅក្នុងតំបន់ត្រជាក់ ក៏ប៉ុន្តែបច្ចុប្បន្ននេះ ប្រជាកសិករនៅប្រទេសកម្ពុជាមានការយល់ដឹងខ្ពស់ក្នុងវិស័យកសិកម្ម ពួកគេក៏អាចយកពូជរបស់វាមកដាំបានដែរ គ្រាន់តែការបង្កបង្កើនផលនៅមានកម្រិត មិនទាន់ឈានដល់ការដាំដុះទូលំទូលាយ ដែលមានតែនៅក្នុងខេត្តមណ្ឌលគិរីតែប៉ុណ្ណោះ។
ក៏ប៉ុន្តែថ្មីៗនេះ យើងអាចដាំវានៅក្នុងផើងក៏បាន វាបង្កលក្ខណៈងាយស្រួលជាច្រើនក្នុងការដាំ គ្រាន់តែយើងត្រូវតែយល់ដឹងឲ្យច្បាស់នូវបច្ចេកទេសក្នុងការដាំ ចៀសវាងទទួលបានផលមិនល្អ ដូចច្នេះយើងនឹងណែនាំវិធីដាំ ដូចខាងក្រោម៖
+ការរៀបចំដាំដុះ
-ត្រៀមផើងដំណាំ ដែលមានទំហំល្មម ទៅនឹងដើមស្ត្របឺរី
-ដីមានជីជាតិ (ដីត្រូវសមស្របតាមដំណាំស្ត្របឺរី )
-កូនស្ត្របឺរី
-គួរចាប់ផ្តើមដាំដុះស្ត្របឺរី ចាប់ពីចុងខែវិច្ឆិកា រហូតដល់ដើមខែធ្នូ (អំឡុងខែចុះត្រជាក់)
+ការដាំដុះ
-ចាក់ដីចូលក្នុងផើងដំណាំ
-យកកូនស្ត្របឺរី ដាក់កប់ក្នុងរណ្តៅដីក្នុងផើង
-រួចហើយស្រោចទឹក
-រយៈពេល២ខែកន្លះ ទៅ ៣ខែ ស្ត្របឺរី នឹងចាប់ផ្តើមផ្លែ។
+ការថែទាំ
-ស្រោចទឹកជាប្រចាំ ឱ្យបានទៀងទាត់ ២ថ្ងៃម្តង ព្រឹកម្តង និងល្ងាចម្តង។
+ការប្រមូលផល
-បើសិនជាយើងដាំដុះច្រើនផើង នោះត្រូវប្រឡេះយកតែផ្លែណាដែលទុំប៉ុណ្ណោះ
-ក្នុងមួយដើមអាចប្រមូលផលបានប្រមាណ ១,៥គីឡូ ទៅ១,៨គីឡូ ហើយវាមានអាយុកាលរហូតដល់១៦ខែ ទៅ១៨ខែ អាស្រ័យលើការថែទាំដល់
-គួរប្រមូលផលស្ត្របឺរី នៅពេលដែលត្រជាក់ គឺនៅពេលព្រឹកព្រលឹម និងពេលល្ងាចប៉ុណ្ណោះ
-ពេលបេះផ្លែភ្លាម ពុំចាំបាច់លាងទឹកនោះទេ ត្រូវដាក់វាចូលក្នុងប្រអប់ដែលស្អាត និងត្រូវរក្សាទុកវានៅកន្លែងត្រជាក់ ដែលមានសីតុណ្ហភាពពី ៥ ទៅ ៧ ដឺក្រេ
-នៅពេលយើងចង់បរិភោគ សឹមយកផ្លែទៅលាងទឹកសម្អាត។
បើបងប្អូនចង់ដឹង ថាវាទទួលបានផល ឬក៏មិនបានបងប្អូនអាចសាកល្បងអនុវត្តន៏វិធីដាំដោយខ្លួនឯង តែកុំភ្លេចដាំឲ្យត្រឹមត្រូវតាមបច្ចេកទេសបើចង់ទទួលបានផលខ្ពស់ ៕
