ខេត្តកំពង់ស្ពឺ ៖ កាលពីវេលាម៉ោង១១និងយប់ ថ្ងៃទី២២ខែ កក្កដា ២០១៩ ក្រុមចោរធ្វើសកម្មភាពគាស់ដំបូលផ្ទះ លួចចូលក្នុងហាងយកទូរស័ព្ទដៃ២៣០គ្រឿង និងលុយចំនួន១០លានរៀល នៅចំណុចភូមិផ្សារត្រពាំងក្រឡឹងឃុំគីរីវន្ត័ ស្រុកភ្នំស្រួច ខេត្តកំពង់ស្ពឺ ។
លោក យស់ ឌីណា មេបញ្ជាការមូលដ្ឋានអាវុធហត្ថស្រុកភ្នំស្រួច បានឲ្យដឹងថា មុនពេលកើតហេតុ ម្ចាស់ហាងលក់ទូរស័ព្ទ មានឈ្មោះ ខេង គក់ អាយុ៣៣ឆ្នាំ និងប្រពន្ធឈ្មោះ ឡេង លីនដា បានសម្រាន្តលង់លក់ក្នុងផ្ទះលើឡៅតឿ ដោយចាក់សោរពីខាងក្នុងជាប់ ។ លុះព្រឹកឡើងស្រាប់តែ ប្រទះឃើញដំបូលផ្ទះ ត្រូវគេយកកន្ត្រៃកាត់សង្ក័សី លួចចូលយកទូរសព្ទ័ដៃអស់ចំនួន២៣០គ្រឿង និងកាតទូរសព្ទ័បញ្ចូលទឹកប្រាក់ ចំនួន ២,៥០០$ ។ ក្រោយកើតហេតុ រូបគាត់បានទៅដាក់ពាក្យបណ្តឹងនៅមូលដ្ឋានអាវុធហត្ថស្រុក ឲ្យជួយអត្តរាគមន៍ ។
បច្ចុប្បន្នកម្លាំងអាវុធហត្ថស្រុក និងកម្លាំងអធិការដ្ធានកំពុងស្រាវជ្រាវតាមកាមេរ៉ាសុវត្ថិភាពរបស់ម្ចាស់ហាង ដើម្បីកំណត់មុខសញ្ញា តាមចាប់ក្រុមចោរលួច នាំយកមកផ្តន្ទាទោសតាមច្បាប់ ៕