ភ្នំពេញ ៖ នៅព្រឹកថ្ងៃទី៨ ខែកក្កដា ឆ្នាំ២០១៩ កម្លាំងសមត្ថកិច្ចខណ្ឌដូនពេញ ឆ្មក់បង្ក្រាបទីតាំងជួញដូរគ្រឿងញៀនមួយកន្លែង នៅតាមបណ្តោយផ្លូវលេខ៤៩នៅចំណុចម្តុំតាន់ប៉ាសង្កាត់ផ្សារថ្មីទី៣ខណ្ឌដូនពេញ ឃាត់ខ្លួនជនសង្ស័យប្រុសស្រី២នាក់ដកហូតថ្នាំញៀនចំនួន៣កញ្ចប់ និងឧបករណ៍ប្រើប្រាស់មួយចំនួន ។
លោក ម៉ៅ ចាន់ថុន អធិការរងទទួលផ្នែកគ្រឿងញៀនខណ្ឌដូនពេញ បានប្រាប់ឱ្យដឹងថាកម្លាំងសមត្ថកិច្ចបានឃាត់ខ្លួនជនសង្ស័យប្រុសស្រី២នាក់ ទី១ឈ្មោះ និល រ៉ាវី ហៅរាជ ភេទប្រុស អាយុ៣៤ឆ្នាំ (ជាអ្នកជួញដូរ) និងឈ្មោះ សេង សុខណារី ហៅអាវី ភេទស្រី អាយុ៣៥ឆ្នាំ ជាអ្នករក្សាទុក ដកហូតថ្នាំញៀនចំនួន៣កញ្ចប់តូចធំ និងថង់ច្រកគ្រឿងញៀនមួយចំនួន រួមនិងឧបករណ៍ប្រើប្រាស់មួយចំនួនទៀត ៕